ବର୍ତ୍ତମାନର ଜୀବନ ଶୈଳୀରେ ମଧୁମେହ ରୋଗ ସମସ୍ତଙ୍କ ପାଇଁ ଏକ ମୁଖ୍ୟ ସମସ୍ୟା ରୂପେ ଦେଖାଦେଇଛି। ଏହି ସମସ୍ୟାରୁ ରକ୍ଷା ପାଇବା ପାଇଁ ବିଭିନ୍ନ ଔଷଧର ବ୍ୟବହାର କରିବା ସହ ଅନେକ ଘରୋଇ ଉପାୟ ଆପଣାଇବାକୁ ପଡିଥାଏ। କିଛି ଘରୋଇ ଉପାୟ ମାଧ୍ୟମରେ ମଧୁମେହ ରୋଗକୁ ନିୟନ୍ତ୍ରଣ କରାଯାଇ ପାରିବ। ଜାଣନ୍ତୁ ସେହି ଉପାୟ ବିଷୟରେ..
ପାଣି : ପାଣି ଶରୀରରେ ଜଳୀୟ ଅଂଶର ଅଭାବକୁ ପୂରଣ କରିଥାଏ। ଏହାସହ ଶରୀରରେ ରକ୍ତ ଶର୍କରାର ମାତ୍ରାକୁ ମଧ୍ୟ ଠିକ ରଖିଥାଏ। ରକ୍ତ ଶର୍କରାର ମାତ୍ରା ଅଧିକ ହୋଇଗଲେ ତାହା ଶରୀରରେ ଜଳୀୟ ଅଂଶର ଅଭାବ ସୃଷ୍ଟି କରିଥାଏ। ମଧୁମେହ ରୋଗୀମାନେ ଦିନକୁ ୮-୧୦ଗ୍ଲାସ ପାଣି ପିଇବା ଉଚିତ।
ଚା : ଗ୍ରୀନ-ଟି ଶରୀର ପାଇଁ ଲାଭଦାୟକ ଅଟେ। ଏହା ରକ୍ତ ଶର୍କରା ଓ ଏଲଡିଏଲ କୋଲେଷ୍ଟ୍ରୋଲର ସ୍ତରକୁ କମ କରିଥାଏ। ମଧୁମେହ ରୋଗୀମାନେ ଗ୍ରୀନ-ଟି ପିଇବା ଲାଭଦାୟକ ହୋଇଥାଏ। ଏହା ଟାଇପ-୨ ମଧୁମେହ ସମସ୍ୟାକୁ କମ କରିଥାଏ।
କଫି : କଫି ପିଇବା ଦ୍ବାରା ଟାଇପ-୨ ମଧୁମେହ ସମସ୍ୟା ଦୂର ହୋଇଥାଏ। ବିନା ଚିନିରେ କଫି ସେବନ କରିବା ଦ୍ବାରା ଶରୀରକୁ ସତେଜ ଅନୁଭବ ହୋଇଥାଏ। ଏହାସହ ମଧୁମେହ ରୋଗୀଙ୍କ ପାଇଁ କୌଣସି ବିପଦ ହୋଇନଥାଏ।
ହର୍ବାଲ-ଟି : ମଧୁମେହ ରୋଗୀମାନେ ସର୍ବଦା ହର୍ବାଲ-ଟି ସେବନ କରିବା ଉଚିତ। ଏହା ରକ୍ତରେ ଶର୍କରାର ସ୍ତରକୁ ବଢିବାକୁ ଦେଇନଥାଏ। ଏହାସହ ହର୍ବାଲ-ଟି ପିଇବା ଦ୍ବାରା ଶରୀରକୁ ସତେଜ ଅନୁଭବ ହୋଇଥାଏ।
କ୍ଷୀର : ସୁସ୍ଥ ରହିବା ପାଇଁ କ୍ଷୀର ପିଇବା ଆବଶ୍ୟକ। ଗାଈ କ୍ଷୀର, ସୋୟା ମିଲ୍କ ଇତ୍ୟାଦି ପିଇବା ଦ୍ବାରା ଶରୀରକୁ ଶକ୍ତି ମିଳିଥାଏ। ଏଥିରେ ଶର୍କରାର ପରିମାଣ ନଥିବାରୁ ତାହା ମଧୁମେହ ରୋଗୀଙ୍କ ପାଇଁ ଲାଭଦାୟକ ଅଟେ।
