ଭୁବନେଶ୍ୱର : ବୈଜ୍ଞାନିକଙ୍କ ଘରେ କଳାକନା ବୁଲାଇଲେ ଲୁଟେରା । ଚନ୍ଦକା ଥାନା ଆକ୍ରୋପଲିସ ଆପାର୍ଟମେଣ୍ଟରୁ ଲୁଟି ନେଲେ ଦୁର୍ବୃତ୍ତ । ପ୍ରାୟ ୫୦ ଭରି ସୁନା ଲୁଟି ନେଇଛନ୍ତି । ବୈଜ୍ଞାନିକ ବିଦେଶ ଗସ୍ତରେ ବାହାରେ ଥିବା ବେଳେ ଘରେ କେହି ନଥିବାର ସୁଯୋଗ ନେଇ ଲୁଟ୍ କରିଛନ୍ତି । ୩୭ ବର୍ଷ ହେବ ଯାହା ଗହଣା କିଣିଥିଲେ ସବୁ ଚୋରି ହୋଇଯାଇଥିବା ଅଭିଯୋଗ ହୋଇଛି । ପୁଲିସ ଘଟଣାର ତଦନ୍ତ ଆରମ୍ଭ କରିଛି ।
ସେହିପରି କଟକ ତ୍ରିଶୁଳିଆ ସ୍ଥିତ ଡିଅନ୍ ଆପାର୍ଟମେଣ୍ଟରେ ସୁରକ୍ଷାକୁ ନେଇ ଲୋକେ ଉତ୍ତ୍ୟକ୍ତ ହୋଇଛନ୍ତି । ଲୁଟ୍ ପାଇଁ ଉଦ୍ୟମ ବେଳର ଦୃଶ୍ୟ ସିସିଟିଭିରେ କଏଦ ହୋଇଛି । ସୁରକ୍ଷାକୁ ସୁବ୍ୟବସ୍ଥିତ କରିବା ଦାବିରେ ଘର ମାଲିକ ଧାରଣା ଦେଇଥିବା ଦେଖାଯାଇଥିଲା ।
