ଚିଲିକା: ଗୁରୁବାର ସଂଧ୍ୟାରେ ଜଣେ ଅପରିଚିତ ବ୍ୟକ୍ତି ରେଳ ଧାରଣା ଦେଇ ଅନ୍ୟ ପ୍ଲାଟଫର୍ମକୁ ଯିବା ସମୟରେ ଏକ ଦୃତଗାମୀ ଟ୍ରେନ ଧକ୍କା ଦେଇଥିଲା । ଯାହା ଫଳରେ ଏହି ବ୍ୟକ୍ତିଙ୍କ ଶରୀର ଖଣ୍ଡ ବିଖଣ୍ଡିତ ହୋଇ ଯାଇଥିଲା । ଘଟଣାରୁ ପ୍ରକାଶ ଗୁରୁବାର ଗୁହାଟି -ତ୍ରିଭେନ୍ଦ୍ରମ ଏକ୍ସପ୍ରେସ ଟ୍ରେନଟି ବାଲୁଗାଁ ରେଳ ଷ୍ଟେସନର ୨ ନମ୍ବର ରେଳ ଧାରଣାରେ ଆସୁଥିଲା।
ଏହି ସମୟରେ ଜଣେ ଅପରିଚିତ ବୃଦ୍ଧ ବ୍ୟକ୍ତି ଜିଆରପି ଅଫିସ ସମ୍ମୁଖ ପ୍ଲାଟଫର୍ମ ୧ରୁ ୨ ନମ୍ବର ପ୍ଲାଟଫର୍ମକୁ ରେଳ ଧାରଣା ଦେଇ ଅତିକ୍ରମ କରୁଥିଲେ। ସେ ରେଳ ଧାରଣା ଅତିକ୍ରମ କରୁଥିବାବେଳେ ଉକ୍ତ ଟ୍ରେନଟି ତାଙ୍କୁ ଧକ୍କା ଦେଇଥିଲା । ଶରୀର ଖଣ୍ଡ ବିଖଣ୍ଡିତ ହୋଇ ଯାଇଥିବାବେଳେ ଘଟଣା ସ୍ଥଳରେ ତାଙ୍କର ମୃତ୍ୟୁ ହୋଇଥିଲା । ବାଲୁଗାଁ ରେଳ ବିଭାଗ ଜିଆରପି ପୁଲିସ ମୃତଦେହକୁ ଜବତ କରି ମୃତକଙ୍କ ଠିକଣା ସମ୍ପର୍କରେ ତଦନ୍ତ ଆରମ୍ଭ କରିଛନ୍ତି । ରିପୋର୍ଟ ଲେଖା ହେବା ବେଳକୁ ପୁଲିସ ତଦନ୍ତ ଚଳାଉଥିବା ବେଳେ ମୃତକଙ୍କ ପରିଚୟ ମିଳି ପାରି ନାହିଁ ।
