ଗୁରୁଡିଝାଟିଆ : ମାସ କେଇଟା ପୂର୍ବରୁ ମୋ ସ୍କୁଲ ଅଭିଯାନ ମାଧ୍ୟମରେ ବିଦ୍ୟାଳୟର ଭିତ୍ତିଭୂମିର ଉନ୍ନତି ଓ ସ୍ମାର୍ଟ ଶ୍ରେଣୀ ପାଇଁ ବ୍ୟୟ ହୋଇଥିଲା ଲକ୍ଷଲକ୍ଷ ଟଙ୍କା। ରାଜ୍ୟ ରାଜକୋଷରୁ ଶିକ୍ଷାର ଭିତ୍ତିଭୂମି ଓ ଉନ୍ନତି ପାଇଁ ରାଜ୍ୟ ସରକାର ଆଖି ବୁଜି ଖର୍ଚ୍ଚ କରିଥିଲେ ଖୁଣ୍ଟୁଣୀ ସ୍ଥିତ ରାଧାନାଥ ସରକାରୀ ନୋଡାଲ ବିଦ୍ୟାପୀଠରେ।୧୯୬୨ ମସିହାରୁ ସ୍ଥାପିତ ଏହି ସ୍ଥାପିତ ବିଦ୍ୟାପୀଠ ସ୍ଥାନୀୟ ଅଞ୍ଚଳରେ ଶିକ୍ଷାର ଜ୍ୟୋତି ପ୍ରଜ୍ୱଳିତ କରୁଛି। ଅଧୁନା ପ୍ରଥମରୁ ଦଶମ ପର୍ଯ୍ୟନ୍ତ ୫୦୬ ଜଣ ବିଦ୍ୟାର୍ଥୀ ପଢୁଥିଲେ ମଧ୍ୟ ବର୍ଷାଦିନ ସେମାନଙ୍କ ପାଇଁ କାଳ ସାଜିଛି। ବିଦ୍ୟାଳୟର ସମ୍ମୁଖ ଅଗଣାରେ ୨ଫୁଟ ଲେଖାଏଁ ବର୍ଷାଜଳ ଜମି ରହିଛି। ବିଦ୍ୟାର୍ଥୀ ଆଣ୍ଠୁଏ ପାଣିରେ ପଶି ବିଦ୍ୟାଳୟକୁ ଯାଇ ଥଣ୍ଡା ଜ୍ୱରରେ ପିଡୀତ ହେଉଛନ୍ତି। ଅଗଣାରୁ ଜଳ ନିଷ୍କାସନ ବ୍ୟବସ୍ଥା ନଥିବାରୁ ଏଭଳି ଅବସ୍ଥା ଦେଖାଦେଇଛି।ଏ କ୍ଷେତ୍ରରେ ଅଭିଭାବକ ଓ ବୁଦ୍ଧିଜୀବିମାନେ କଣ ପାଇଁ ସ୍ୱର ଉଠାଉନାହାନ୍ତି ବୋଲି ସ୍ଥାନୀୟ ଅଞ୍ଚଳରେ ଆଲୋଚନା ହେଉଛି। ପ୍ରଶାସନ ଏଥିପ୍ରତି ଦୃଷ୍ଟିଦେବା ନିମନ୍ତେ ସ୍ଥାନୀୟ ଜନସାଧାରଣ ଦାବି କରିଛନ୍ତି।
ଅଧିକ ଘୁଙ୍ଗୁଡି ମାରୁଥିଲେ ହୋଇପାରେ ଗଳା କର୍କଟ; ଜାଣନ୍ତୁ କେମିତି ଦୂର ହେବ ସମସ୍ୟା..
Comments are closed.