କଲମପୁର: ମାନବିକତା ଦେଖାଇଲେ ପୁଲିସ ଏସଆଇ। ଦୁଇ ଦିନ ଧରି ଜଣେ ବୃଦ୍ଧ ଅସହାୟ ଅବସ୍ଥାରେ ଜୟପାଟଣା ଦୁଲକିବନ୍ଧ ଗୌନ୍ତିଆପଡା ନିକଟସ୍ଥ ଏକ ଜମିରେ ପଡି ରହିଥିଲେ। ସେହି ରାସ୍ତା ଦେଇ ଅନେକ ଲୋକ ଯିବା ଆସିବା କରୁଥିଲେ। ହେଲେ କେହି ଦୃଷ୍ଟି ଦେଇନଥିଲେ। ହେଲେ କେହି ଜଣେ ସହୃଦୟ ବ୍ୟକ୍ତି ଏ ନେଇ ବଡକୁଟ ପୁଲିସ୍ ଫାଣ୍ଡି ଅଧିକାରୀ ଶିବ ଶଙ୍କର ମହାନ୍ତିଙ୍କୁ ଖବର ଦେଇଥିଲେ। ତୁରନ୍ତ ଶ୍ରୀ ମହାନ୍ତି ଜଣେ କନେଷ୍ଟବଲକୁ ନେଇ ଘଟଣାସ୍ଥଳରେ ପହଞ୍ଚିଥିଲେ । ଏବଂ ବୃଦ୍ଧଙ୍କୁ ଜମିର କାଦୁଅ ଭିତରୁ ବାହାରକୁ ଆଣି ପାଣି ଢାଳି ସଫା କରାଯାଇଥିଲା । ଏହାପରେ ଆମ୍ବୁଲାନ୍ସ ରେ ନେଇ କଲମପୁର ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ପରିତାପର ବିଷୟ ଘଟଣାକୁ ଦୀର୍ଘ ୨୪ ଘଣ୍ଟା ବିତି ସାରିଥିଲେ ମଧ୍ୟ କେହି ବୃଦ୍ଧଙ୍କ ସହାୟତା ନେଇ ଆଗେଇ ଆସି ନାହାଁନ୍ତି । ଏଭଳି ପରିସ୍ଥିତିରେ ପୁଲିସ୍ ଏସଆଇଙ୍କ ଏଭଳି କାର୍ଯ୍ୟକୁ ବିଭିନ୍ନ ମହଲରୁ ପ୍ରଶଂସା କରାଯାଇଛି।
Comments are closed.