କାଠମାଣ୍ଡୁ : ନଦୀକୁ ଖସିଲା ଯାତ୍ରୀବାହୀ ବସ୍ । ଶୁକ୍ରବାର ନେପାଳରୁ ୪୦ ଯାତ୍ରୀଙ୍କୁ ନେଇ ଯାଉଥିବା ଏକ ଭାରତୀୟ ବସ୍ ନଦୀକୁ ଖସି ପଡିଛି । ଏଥିରେ ଏଯାଏଁ ୧୪ ଜଣ ଭାରତୀୟଙ୍କ ମୃତ୍ୟୁ ଘଟିଥିବା ପ୍ରାଥମିକ ତଦନ୍ତରୁ ଜଣାପଡିଛି । ମିଳିଥିବା ସୂଚନାନୁସାରେ ଗୋରଖପୁରରୁ ଯାତ୍ରୀଙ୍କୁ ନେଇ ଏହି ବସ୍ ନେପାଳ ଯାଉଥିଲା । ବସଟି ପୋଖରାରୁ କାଠମାଣ୍ଡୁ ଯାଉଥିଲା । ବର୍ତ୍ତମାନ ଉଦ୍ଧାର କାର୍ଯ୍ୟ ଜାରି ରହିଛି। ଦୁର୍ଘଟଣାରେ ୧୬ ଜଣ ଆହତ ହୋଇଛନ୍ତି । ଆହତଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି। ରାସ୍ତାରେ ଯାଉଥିବା ସମୟରେ ମାର୍ସାଙ୍ଗଗଡି ନଦୀକୁ ଏହି ଯାତ୍ରୀବାହୀ ବସଟି ଖସିପଡିଥିଲା । ବସରେ ଥିବା ସମସ୍ତ ଯାତ୍ରୀ ଭାରତୀୟ ହୋଇଥିବା ନେଇ ସୂଚନା ମିଳିଛି ।
Comments are closed.