ହରଭଙ୍ଗା : ହରଭଙ୍ଗା ବ୍ଲକ ପୁରୁଣା କଟକ ଥାନା ଅନ୍ତର୍ଗତ ପୁରୁଣାକଟକ ହାଇସ୍କୁଲ ଯାତ୍ରା ପଡିଆ ନିକଟରୁ ଏକ ବାଇକ ଚୋରି ହୋଇଥିବା ଅଭିଯୋଗ ହୋଇଛି। ମଙ୍ଗଳବାର ରାତିରେ ପୁରୁଣାକଟକ ବଜାରର ବବଲୁ ସାହୁ ନିଜର ହିରୋ ଏକ୍ସଟ୍ରିମ ବାଇକଟିକୁ ବାହାରେ ରଖି ଅପେରା ଦେଖିବାକୁ ଯାଇଥିଲେ। ମାତ୍ର ଗାଡିଟିକୁ ବାଇକ ଷ୍ଟାଣ୍ଡ ବାହାରେ ରଖି ଯାତ୍ରା ଦେଖି ଫେରିଲା ବେଳେ ଗାଡିଟି ଚୋରି ହୋଇଥିବା ଜଣାପଡିଥିଲା। ବହୁ ଖୋଜାଖୋଜି ପରେ ତାଙ୍କ ବାଇକ ନ ମିଳିବାରୁ ସେ ଏ ବାବଦରେ ପୁଲିସର ଦ୍ୱାରସ୍ଥ ହୋଇଥିଲେ। ଏଭଳି ବାଇକ ଚୋରି ଘଟଣାକୁ ନେଇ ପୁଲିସ କଡା କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବୀ ହେଉଛି।
Popular Categories
Previous article
Next article