ଡେସ୍କ: ଚଳିତ ବର୍ଷ ଜୁଲାଇ ମାସରେ ରାଜ୍ୟ ଜିଏସ୍ଟି ସଂଗ୍ରହ ପରିମାଣରେ ୨୪.୯୮% ବୃଦ୍ଧି ଘଟିଛି। ଜୁଲାଇ ମାସରେ ଜିଏସଟି ସଂଗ୍ରହ ପରିମାଣ ୨୦୩୫.୧୮ କୋଟି ଟଙ୍କା ହୋଇଥିବା ବେଳେ ୨୦୨୩ ମସିହା ଜୁଲାଇ ମାସରେ ଏହି ପରିମାଣ ୧୬୨୮.୪୩ କୋଟି ଟଙ୍କା ଥିଲା। ସେହିପରି ଚଳିତ ବର୍ଷ ଜୁଲାଇ ମାସ ପର୍ଯ୍ୟନ୍ତ ରାଜ୍ୟର ଜିଏସ୍ଟି ସଂଗ୍ରହ ପରିମାଣ ୮୮୬୬.୯୫ କୋଟି ଟଙ୍କାରେ ପହଂଚିଛି ଏବଂ ଗତବର୍ଷ ୨୦୨୩ ଜୁଲାଇ ମାସ ପର୍ଯ୍ୟନ୍ତ ଏହି ପରିମାଣ ୭୦୫୫.୫୩ କୋଟି ଟଙ୍କା ଥିଲା। ଏ କ୍ଷେତ୍ରରେ ଓଡ଼ିଶାର ଅଭିବୃଦ୍ଧି ହାର ୨୫.୬୭% ରହିଛି।
ସେହିପରି ଚଳିତ ବର୍ଷ ଜୁଲାଇ ମାସରେ କେନ୍ଦ୍ରୀୟ ଜିଏସ୍ଟି, ରାଜ୍ୟ ଜିଏସ୍ଟି ଓ ସମନ୍ବିତ ଜିଏସ୍ଟି ଓ ସେସ୍ ସଂଗ୍ରହ ପରିମାଣକୁ ମିଶାଇ ଓଡ଼ିଶାର ମୋଟ ଜିଏସ୍ଟି ସଂଗ୍ରହ ୪୯୨୫.୦୨ କୋଟି ଟଙ୍କାରେ ପହଂଚିଛି। ଗତ ବର୍ଷ ଏହା ୪୨୪୫.୪୦ କୋଟି ଟଙ୍କା ଥିଲା। ଏ କ୍ଷେତ୍ରରେ ଓଡ଼ିଶାର ଅଭିବୃଦ୍ଧି ହାର ୧୬.୦୧% ରହିଛି।
ଚଳିତ ବର୍ଷ ଜୁଲାଇ ମାସ ପର୍ଯ୍ୟନ୍ତ ଓଡ଼ିଶାର ମୋଟ ଜିଏସ୍ଟି ସଂଗ୍ରହ ପରିମାଣ ୨୦୮୪୧.୩୩ କୋଟି ଥିବା ବେଳେ ୨୦୨୩ ଜୁଲାଇ ମାସ ପର୍ଯ୍ୟନ୍ତ ଏହି ପରିମାଣ ୧୮୦୫୮.୮୪ କୋଟି ଟଙ୍କା ଥିଲା ଯାହା ୧୫.୪୧% ଅଭିବୃଦ୍ଧିକୁ ଦର୍ଶାଉଛି।
