ଶିମଲା : ହିମାଚଳ ପ୍ରଦେଶରେ ଗୋଟିଏ ପରେ ଗୋଟିଏ ୩ଟି ସ୍ଥାନରେ ବାଦଲ ଫାଟିବା ଘଟଣା ସାମ୍ନାକୁ ଆସିଛି । ଏଥିରେ ପ୍ରାୟ ୪୦ ଜଣ ନିଖୋଜ ରହିଥିବା ବେଳେ ଜଣଙ୍କ ମୃତଦେହ ଜବତ ହୋଇଛି । ବାଦଲ ଫାଟିବା କାରଣରୁ ହିମାଚଳର କୁଲ୍ଲୁ,ମଣ୍ଡି ଓ ଶିମଲାରେ ପ୍ରକୃତିର ତାଣ୍ଡବ ଦେଖାଯାଇଛି । ଫଳରେ ଅନେକ କୋଠା ଘର, ସ୍କୁଲ ଓ ହସ୍ପିଟାଲ କ୍ଷତିଗ୍ରସ୍ତ ହୋଇଛି । ୩ଟି ସ୍ଥାନରୁ ୪୦ ଜଣ ନିଖୋଜ ଥିବା ବେଳେ ୩୫ ଜଣଙ୍କୁ ସୁରକ୍ଷିତ ଉଦ୍ଧାର କରାଯାଇଛି । ବାଦଲ ଫାଟିବା ପରେ ମଣ୍ଡିର ଅଧିକାଂଶ ସ୍ଥାନରେ ସ୍କୁଲ, ଶିକ୍ଷାନୁଷ୍ଠାନ ବନ୍ଦ କରି ଦିଆଯାଇଛି ।
A viral video shows a building collapsing in #HimachalPradesh after a cloudburst.
Reports indicate 30 people are missing after the cloud burst hit the Jhakhari area of Rampur subdivision, Shimla district, early morning. pic.twitter.com/APe9LyT7GO
— Tawqeer Hussain (@tawqeerhussain) August 1, 2024
Bad News coming from Himachal Pradesh. 2 Power Project has been the worst hit after a cloudburst in the Parvati River. Dozens of people were missing after the cloud burst in Rampur, Shimla also. Prayers 🙏 pic.twitter.com/QatTbwmVoP
— Gems of World and politics 🇮🇳 (@gemofworld) August 1, 2024
ପାଣିପାଗ ବିଭାଗ ରାଜ୍ୟର ଭିନ୍ନ ଭିନ୍ନ ସ୍ଥାନରେ ଅଗଷ୍ଟ ୬ ପର୍ଯ୍ୟନ୍ତ ପ୍ରବଳରୁ ଅତି ପ୍ରବଳ ବର୍ଷା ହେବା ନେଇ ସତର୍କ ସୂଚନା ଜାରି କରିଛି । ବର୍ଷା ପାଇଁ ୪୮ଟି ରାସ୍ତା ବନ୍ଦ ହୋଇ ଯାଇଥିବା ବେଳେ ବିଜୁଳି ସେବା ମଧ୍ୟ ପ୍ରଭାବିତ ହୋଇଛି ।
କୁଲ୍ଲୁରେ ମଣିକରଣରେ ଥିବା ପନି ପରିବାର ମାର୍କେଟର କୋଠା ପାଣିରେ ଭାସି ଯାଇଛି । ଭାସି ଯାଉଥିବା କୋଠାର ଭିଡିଓ ମଧ୍ୟ ଏବେ ଭାଇରାଲ ହେଉଛି । ଭିଡିଓରେ ସେହି ସମୟର ଛାତିଥରା ଦୃଶ୍ୟକୁ ଦେଖିପାରିବେ । କୋଠାଟି ସମ୍ପୂର୍ଣ୍ଣ ପାଣିରେ ଭାସି ଯାଇଛି । ପ୍ରବଳ ବର୍ଷା ମଧ୍ୟ ଲାଗି ରହିଛି ।
ଏହା ପୂର୍ବରୁ ଗତ ମଙ୍ଗଳବାର ମଧ୍ୟ କୁଲ୍ଲୁରେ ବାଦଲ ଫଟା ଘଟଣା ସାମ୍ନାକୁ ଆସିଥିଲା । ବାଦଲ ଫାଟିବା କାରଣରୁ ପାଦ ଚଲା ପୋଲ ସହ ଅନେକ ଝୁମ୍ପୁଡି ଘର ମଧ୍ୟ ଭାସି ଯାଇଛି ।
ହିମାଚଳର ମଣ୍ଡିରେ ମଧ୍ୟ ବାଦଲ ଫାଟିବା କାରଣରୁୁ ସ୍ଥିତି ବିଗିଡିବା ସହ ଅନେକ ଘର କ୍ଷତିଗ୍ରସ୍ତ ହୋଇଛି । ପାଣିର ପ୍ରବଳ ସ୍ରୋତରେ ୧୧ ଜଣ ଭାସି ଯାଇଛନ୍ତି । ହିମାଚଳ ପ୍ରଦେଶର ଅନେକ ଜିଲାରେ ପାଣିପାଗ ବିଭାଗ ଦ୍ୱାରା ପ୍ରବଳ ବର୍ଷା ପାଇଁ ସତର୍କ ସୂଚନା ଜାରି କରାଯାଇଛି ।
Comments are closed.