ଭୁବନେଶ୍ୱର: ଆଜି ଶ୍ରାବଣ ଦ୍ୱିତୀୟ ସୋମବାର । ରାଜ୍ୟର ବିଭିନ୍ନ ଶୈବପୀଠରେ ଜଳ ଲାଗି କରୁଛନ୍ତି କାଉଡିଆ । ଏଥିପାଇଁ ଚଳଚଞ୍ଚଳ ହୋଇଛି ପ୍ରଭୁ ଲିଙ୍ଗରାଜଙ୍କ ପୀଠ । ପ୍ରଭୁ ଲିଙ୍ଗରାଜଙ୍କ ନିକଟରେ ଜଳ ଲାଗି କରିବାକୁ ରାତିରୁ ଲମ୍ବା ଧାଡିରେ ଛିଡା ହୋଇଥିଲେ କାଉଡିଆ । ଏକାମ୍ର କ୍ଷେତ୍ରର ବିଭିନ୍ନ ଶୈବପୀଠରେ ଭିଡ଼ ଲାଗିଥିଲେ ମଧ୍ୟ ସବୁଠୁ ଅଧିକ ଭିଡ଼ ପ୍ରଭୁ ଲିଙ୍ଗରାଜଙ୍କ ନିକଟରେ ଦେଖିବାକୁ ମିଳିଛି । ରାଜ୍ୟର କୋଣ ଅନୁକୋଣରୁ ମାନସିକ ରଖିଥିବା ଭକ୍ତମାନେ ପ୍ରଭୁ ଲିଙ୍ଗରାଜଙ୍କ ପାଖରେ ଜଳ ଲାଗି ପାଇଁ ଚାଲି ଚାଲି ଆସିଥାନ୍ତି । କାଉଡିଆଙ୍କ ପାଇଁ ମନ୍ଦିର ପ୍ରଶାସନ ପକ୍ଷରୁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି । ଭୋର ୪ଟାରୁ ମନ୍ଦିରର ଦ୍ୱାର ଫିଟା ନୀତି ପରେ ସକାଳୁ ପୂଜା ଓ ଆଳତୀ ଏବଂ ଅନ୍ୟାନ୍ୟ ନୀତିକାନ୍ତି ହୋଇଛି । କାଉଡିଆଙ୍କ ପାଇଁ ମନ୍ଦିର ଭିତର କାଠ ନିକଟରେ ଏକ ତମ୍ବା ପାତ୍ର ରଖାଯାଇଛି । ତମ୍ବା ପାତ୍ରରେ କାଉଡିଆ ମାନେ ଆଣିଥିବା ପାଣି ମହାଦେବଙ୍କୁ ଲାଗି କରୁଛନ୍ତି । ଏଥିପାଇଁ ମନ୍ଦିର ପ୍ରଶାସନ ପକ୍ଷରୁ କିଛି କିଛି କାଉଡିଆଙ୍କୁ ପର୍ଯ୍ୟାୟ କ୍ରମେ ମନ୍ଦିର ଭିତରକୁ ପ୍ରବେଶ ପାଇଁ ଅନୁମତି ମିଳିବା ପରେ ସେମାନେ ପ୍ରବେଶ କରି ଜଳ ଲାଗି କରୁଛନ୍ତି । ଗୋଟିଏ ପଟେ ସାଧାରଣ ଲୋକମାନେ ପ୍ରବେଶ କରି ମହାଦେବଙ୍କୁ ଦର୍ଶନ କରୁଥିବାବେଳେ ଅନ୍ୟପଟେ କାଉଡିଆ ମାନେ ଯାଉଛନ୍ତି ।
Popular Categories
Previous article
Next article