ପୁରୀ: ସବୁବର୍ଷ ଭଳି ଚଳିତ ବର୍ଷ ମଧ୍ୟ ଶୀତ ଆରମ୍ଭରେ ଚିଲିକାକୁ ଲକ୍ଷାଧିକ ବିଦେଶୀ ପକ୍ଷୀଙ୍କର ଆଗମନ ହୋଇଛି । ଶୁକ୍ରବାର (ଆଜି) ବନବିଭାଗ ପକ୍ଷରୁ ପକ୍ଷୀ ଗଣନା ଆରମ୍ଭ ହୋଇଛି । ଏଥିପାଇଁ ୨୧ଟିମ ଚିଲିକାରେ ପହଞ୍ଚିଛନ୍ତି । ୨୧ଟି ଟିମର ପ୍ରାୟ ୧୦୦କର୍ମଚାରୀ ପକ୍ଷୀ ଗଣନାରେ ନିୟୋଜିତ ହୋଇଛନ୍ତି । ଚିଲିକାର ୫ଟି ଜୋନରେ ସକାଳ ୬ଟାରୁ ପକ୍ଷୀ ଗଣନା ଆରମ୍ଭ ହୋଇଛି । କେଉଁ ପ୍ରଜାତିର ଏବଂ କେତେ ସଂଖ୍ୟକ ପକ୍ଷୀ ଚଳିତ ବର୍ଷ ଚିଲିକା ଆସିଥିଲେ ତାହା ଗଣନା ପରେ ସ୍ପଷ୍ଟ ହେବ । ସେହିପରି ରାଜ୍ୟର ବିଭିନ୍ନ ବନ୍ୟପ୍ରାଣୀ ଡିଭିଜନ ଗୁଡିକରେ ଗୁରୁବାର ଠାରୁ ପକ୍ଷୀ ଗଣନା ଆରମ୍ଭ ହୋଇଯାଇଛି । ନନ୍ଦନକାନନର କାଂଜିଆ ହ୍ରଦରେ ପକ୍ଷୀ ଗଣନା ଶେଷ ହୋଇଛି । ଚଳିତ ବର୍ଷ ସେଠାକୁ ୨୮ ପ୍ରଜାତିର ପକ୍ଷୀ ଆସିଥିବା ଜଣାପଡିଛି । ଚଳିତ ବର୍ଷ କୋରାପୁଟର କୋଲାବନଗରରେ ୯୧୯ଟି ପକ୍ଷୀ ରହିଥିବା ଗଣନାରୁ ଜଣାପଡିଛି । ସେହିପରି ତିନୋଟି ଟିମ ଦ୍ୱାରା ବ୍ରହ୍ନଗିରି ଓ ଅସ୍ତରଙ୍ଗରେ ମଧ୍ୟ ଗୁରୁବାର ପକ୍ଷୀ ଗଣନା ଶେଷ ହୋଇଛି । ପକ୍ଷୀ ଗଣନା ପରେ ଆସନ୍ତା ୬ରୁ ୧୪ ତାରିଖ ପର୍ୟ୍ୟନ୍ତ କୁମ୍ଭୀର ଗଣନା କରାଯିବା ନେଇ ବନବିଭାଗ ପକ୍ଷରୁ ସୂଚନା ମିଳିଛି ।
Popular Categories
Previous article
Next article