ବାସୁଦେବପୁର: ବାସୁଦେବପୁର -ବାଲିଛନ୍ଦାଘାଟ ରାସ୍ତାର ଆର୍ତ୍ତୁଂ ଗ୍ୟାସ ଅଫିସ ନିକଟରେ ୩ଜଣ ଯୁବକ ଏକ କାରକୁ ଅଟକାଇ ଡ୍ରାଇଭରକୁ ମାଡମାରି ଲୁଟ ଉଦ୍ୟମ କରିଥିଲେ। ଏହି ୩ଜଣ ଯୁବକ ଡ୍ରାଇଭରକୁ ମରଣାନ୍ତକ ଆକ୍ରମଣ କରିଥିଲେ। ତେବେ ଡ୍ରାଇଭର ଜଣଙ୍କ ସେମାନଙ୍କଠାରୁ ନିଜକୁ ମୁକୁଳାଇବା ପାଇଁ ଜୋରରେ ଚିତ୍କାର କରିଥିଲେ। ତାଙ୍କ ଚିତ୍କାର ଶୁଣି ସେହି ରାସ୍ତାରେ ଯାଉଥିବା ପଥଚାରୀମାନେ ରୁଣ୍ଡ ହୋଇଯାଇଥିଲେ। ଲୁଟ ଉଦ୍ଦେଶ୍ୟରେ ଆସି ଡ୍ରାଇଭରଙ୍କୁ ଆକ୍ରମଣ କରୁଥିବା ତିନିଜଣ ଯୁବକଙ୍କ ମଧ୍ୟରୁ ଘଟଣାସ୍ଥଳରୁ ଜଣେ ଦୌଡି ପଳାଇ ଯାଇଥିବା ବେଳେ ପଥଚାରୀମାନେ ଦୁଇଜଣକୁ କାବୁ କରିନେଇଥିଲେ।
ପଥଚାରୀମାନଙ୍କ ମାଡରେ ଉଭୟ ଦୁଇଯୁବକ ଗୁରୁତର ହୋଇଥିଲେ। ଏହାପରେ ପୁଲିସ ଖବରପାଇ ଘଟଣାସ୍ଥଳରୁ ଦୁଇ ଯୁବକଙ୍କୁ ପଥଚାରୀମାନଙ୍କଠାରୁ ଉଦ୍ଧାର କରି ଡାକ୍ତରଖାନାରେ ଚିକିତ୍ସିତ କରାଇବା ସହ ଥାନାରେ ଅଟକ ରଖିଛି । ଏଥିସହ ଦୁଇ ଯୁବକଙ୍କ ଗୋଟିଏ ବୁଲେଟ ଓ ମୋଟରସାଇକେଲକୁ ଜବତ କରିଛି। ଅପରପକ୍ଷରେ ଡ୍ରାଇଭର ଜଣକ ଗୁରୁତର ଅବସ୍ଥାରେ ବାସୁଦେବପୁର ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ତେବେ ଛିନତାଇ ଅଭିଯୋଗକୁ ନେଇ ପୁଲିସ ଘଟଣାର ତଦନ୍ତ କରୁଛି ।
Comments are closed.