ପୁରୀ : ଶ୍ରୀମନ୍ଦିର ଭିତର ରତ୍ନଭଣ୍ଡାରରେ ଯୁଦ୍ଧାସ୍ତ୍ର ରହିଥିବା ତଦାରଖ କମିଟି ଅଧ୍ୟକ୍ଷ ଜଷ୍ଟିସ୍ ବିଶ୍ବନାଥ ରଥ ସୂଚନା ଦେଇଛନ୍ତି। ଗୁରୁବାର ୧୧ଜଣିଆ କମିଟି ଭିତର ରତ୍ନଭଣ୍ଡାର ଭିତରେ ପ୍ରବେଶ କରିଥିଲେ। ସେଠାରେ ରହିଥିବା ୩ଗୋଟି ରତ୍ନଅଳଙ୍କାର ଭର୍ତ୍ତି ସିନ୍ଦୁକ ଓ ୪ ଆଲମାରୀ ଅସ୍ଥାୟୀ ରତ୍ନଭଣ୍ଡାରକୁ ସ୍ଥାନାନ୍ତର କରାଯାଇଛି। ଭିତର ରତ୍ନଭଣ୍ଡାରରେ କିଛି ଯୁଦ୍ଧାସ୍ତ୍ର ରହିଥିବା ଦେଖି ସଦସ୍ୟମାନେ ଆଶ୍ଚର୍ଯ୍ୟ ହୋଇଥିଲେ। ଯୁଦ୍ଧାସ୍ତ୍ରଗୁଡ଼ିକ ଉପରେ କଳା ଆବରଣ ରହିଥିବାରୁ ତାହା କେଉଁ ଧାତୁରେ ନିର୍ମିତ ତାହା ଜଣାପଡ଼ିନାହିଁ। ରାଜା କପିଳେନ୍ଦ୍ର ଦେବ ଦାକ୍ଷିଣାତ୍ୟ ବିଜୟ କରି ୧୬ଟି ହସ୍ତୀ ଉପରେ ଆଣିଥିବା ବିପୁଳ ରତ୍ନ ଅଳଙ୍କାର ପ୍ରଭୁଙ୍କୁ ଉତ୍ସର୍ଗ କରିଥିଲେ। ଏହାଛଡ଼ା ବିଭିନ୍ନ ସମୟରେ ପୁରୀ ରାଜା ୪୨ ସାମ୍ରାଜ୍ୟ ଜୟ କରିଥିଲେ। ଯୁଦ୍ଧରେ ବ୍ୟବହାର କିଛି ଅସ୍ତ୍ରଶସ୍ତ୍ର ରତ୍ନଭଣ୍ଡାରରେ ରଖାଯାଇଥିବା ଜଣାପଡ଼ିଛି।
Comments are closed.