ଶନିବାରକୁ ଘୁଞ୍ଚିଲା ସଲମାନଙ୍କ ଜାମିନ ଶୁଣାଣି

ନୂଆଦିଲ୍ଲୀ: ସିନେ ତାରକା ସଲମାନ ଖାନ୍‌ଙ୍କ ଜାମିନ ଶୁଣାଣି ଶନିବାରକୁ ଘୁଞ୍ଚାଇ ଦେଇଛନ୍ତି ଯୋଧପୁର ସେସନ୍ସ କୋର୍ଟ। ଯୋଧପୁର ସେଣ୍ଟ୍ରାଲ ଜେଲରେ ୧୦୬ନମ୍ବର ଅପରାଧୀ ଭାବରେ ୫ବର୍ଷ ପାଇଁ ଜେଲ ଦଣ୍ଡରେ ଦଣ୍ଡିତ ସଲମାନ ଆଜି ସେସନ କୋର୍ଟରେ ଜାମିନ ପାଇଁ ଆବେଦନ କରିଥିଲେ। କୃଷ୍ଣସାର ହରିଣ ଶିକାର ମାମଲାରେ କାଲି ଯୋଧପୁର ସିଜେଏମ୍‌ ସଲମାନଙ୍କୁ ୫ବର୍ଷ ଜେଲ ସହ ୧୦ହଜାର ଟଙ୍କା ଆର୍ଥିକ ଦଣ୍ଡରେ ଦଣ୍ଡିତ କରିଥିଲେ। ଏହି ମାମଲାରେ ସଲମାନଙ୍କୁ ସେଣ୍ଟ୍ରାଲ ଜେଲକୁ ଯିବାକୁ ପଡ଼ିଥିଲା। ଉକ୍ତ ମାମଲାରେ ଜାମିନ ପାଇଁ ଗୁରୁବାର ସଲମାନଙ୍କ ଓକିଲ ସେସନ କୋର୍ଟରେ ଆବେଦନ କରିଥିଲେ। ତେବେ ସେସନ୍ସ ଜଜ୍‌ ରବିନ୍ଦ୍ର କୁମାର ଯୋଶୀ ଉଭୟ ପକ୍ଷର ଶୁଣାଣି କରି ଆସନ୍ତା କାଲି ପାଇଁ ରାୟକୁ ସଂରକ୍ଷିତ ରଖିଛନ୍ତି। ଫଳରେ ସଲମାନଙ୍କୁ ଆଜି ମଧ୍ୟ ଜେଲ ହାଜତରେ ରହିବାକୁ ପଡ଼ିବ।