ନୂଆଦିଲ୍ଲୀ : ଭାରତର ଟେଲିକମ୍ କମ୍ପାନୀ ବିଏସଏନଏଲ୍ ଖୁବ୍ ଶୀଘ୍ର ସାରା ଦେଶରେ ନିଜ ୪ଜି ସେବା ଆରମ୍ଭ କରିବ । ଏହି ଖବର ସାମାଜିକ ଗଣମାଧ୍ୟମରେ ବହୁତ ଚର୍ଚ୍ଚା ହେଉଛି । ଅନ୍ୟ ସମସ୍ତ ଘରୋଇ କମ୍ପାନୀମାନେ ନିଜ ପ୍ଲାନର ଦାମ୍ ବଢାଇ ଦେଇଛନ୍ତି । ଏହି ସମୟରେ ବିଏସଏନଏଲ୍ ଏକ ଖାସ୍ ପ୍ଲାନ୍ ନେଇଆସିଛି ଯାହା ଥରେ ରିଚାର୍ଜ କଲେ ବର୍ଷେ ଚାଲିବ । ଏଥିରେ ପ୍ରତିଦିନ ୨ ଜିବି ଡାଟା, ଅନଲିମିଟେଡ୍ କଲିଂ ଏବଂ ଅନେକ ବେନିଫିଟ୍ସ ମିଳିବ । ଆସନ୍ତୁ ଜାଣିବା ବିଏସଏନଏଲର ୨,୩୯୯ ପ୍ଲାନ୍ ସମ୍ପର୍କରେ..
ଏହି ପ୍ଲାନର ଦାମ୍ ୨୩୯୯ ଟଙ୍କା ଅର୍ଥାତ୍ ପ୍ରତି ମାସିକ ପ୍ରାୟ ୧୮୫ ଟଙ୍କା । ପ୍ଲାନରେ ଆପଣଙ୍କୁ ପ୍ରତିଦିନ ୨ ଜିବି ହାଇ ସ୍ପିଡ୍ ଡାଟା, ପ୍ରତିଦିନ ୧୦୦ ଫ୍ରି ଏସଏମଏସ୍ ଏବଂ ସାରା ଦେଶରେ କୌଣସି ବି ନେଟଓ୍ବର୍କକୁ ଅନଲିମିଟେଡ୍ କଲିଂ ମିଳିବ । ଏହା ସହିତ ଜିଙ୍ଗ ମ୍ୟୁଜିକ୍, ବିଏସଏନଏଲ୍ ଟ୍ୟୁନ୍, ହାର୍ଡି ଗେମ୍ସ ଭଳି ଅନେକ ଫାଇଦା ମିଳିବ । କହିରଖୁଛୁ ରିଲାଏନ୍ସ ଜିଓ, ଏୟାରଟେଲ୍ ଏବଂ ଭୋଡାଫୋନ୍ ଭଳି ବଡ ପ୍ରାଇଭେଟ୍ ଟେଲିକମ୍ କମ୍ପାନୀମାନେ ନିକଟରେ ନିଜ ପ୍ଲାନର ଦାମ୍ ବଢାଇ ଦେଇଛନ୍ତି । ଏହା ଫଳରେ କୋଟି କୋଟି ଲୋକଙ୍କୁ ଝଟକା ଲାଗିଛି । ଏହା ମଧ୍ୟରେ ବିଏସଏନଏଲ୍ ଶସ୍ତା ପ୍ଲାନ୍ ଆଣି ଗ୍ରାହକଙ୍କୁ ଆକର୍ଷିତ କରିବାକୁ ଚେଷ୍ଟା କରୁଛି ।
