ଫୁଲବାଣୀ : କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ସଫିଗୁଡା ଗାଁରେ ଅଘଟଣ। ପ୍ରବଳ ବର୍ଷା ଯୋଗୁଁ ଗାଁର ସୁଦନ ଭୋଈଙ୍କ ଘର ଉପରେ ଏକ ବିଶାଳକାୟ ମହୁଲ ଗଛ ପଡିଯାଇଛି। ଫଳରେ ଘର ସମ୍ପୂର୍ଣ୍ଣ ଭାଙ୍ଗି ଯାଇଛି। ସୁଦନଙ୍କ ପରିବାରରେ ୫ ଜଣ ସଦସ୍ୟ ରହୁଥିବାବେଳେ ଘର ଭାଙ୍ଗିଯିବାରୁ ଆଶ୍ରୟଶୂନ୍ୟ ହୋଇପଡ଼ିଛନ୍ତି। ଘରେ ସାଇତି ରଖିଥିବା ସମସ୍ତ ଖାଦ୍ୟ ସାମଗ୍ରୀ ଓ ଆସବାବପତ୍ର ନଷ୍ଟ ହୋଇଯାଇଥିବାରୁ ପ୍ରଶାସନ ଖାଦ୍ୟ ବ୍ୟବସ୍ଥା କରିବା ସହ ଘର ଯୋଗାଇ ଦେବାକୁ ସୁଦନ ପ୍ରଶାସନକୁ ଗୁହାରି କରିଛନ୍ତି । ଘର ଭିତରେ ଥିବା ଅସବାପତ୍ର, ଧାନ, ଚାଉଳ, କଂସା ବାସନ, ପୋଷାକପତ୍ର, ପିଲାଙ୍କ ପଢ଼ା ସାମଗ୍ରୀ ସମ୍ପୂର୍ଣ୍ଣ ନଷ୍ଟ ହୋଇଯାଇଛି । ଗାଁ ଲୋକ ଏବଂ ପାଖ ପଡୋଶୀଙ୍କ ସହାୟତାରେ ଘରେ ଫସି ରହିଥିବା ଲୋକଙ୍କୁ ଉଦ୍ଧାର କରାଯାଇଥିଲା। ଘର ଉପରେ ଗଛ ପଡ଼ିଥିବା କାଟି ସଫା କରିଥିଲେ ଗ୍ରାମବାସୀ । ସେପଟେ ଏହି ଘଟଣାକୁ ନେଇ ଫିରିଙ୍ଗିଆ ତହସିଲଦାର ଅନାମିକା ପାଣ୍ଡେ କହିଛନ୍ତି , ତଦନ୍ତ ହେବା ପରେ କ୍ଷୟକ୍ଷତି ଆକଳନ କରି ଅତିଶୀଘ୍ର ଜରିପାଲ ର ବ୍ୟବସ୍ଥା କରାଯିବ ଏବଂ ସରକାରୀ ନିୟମ ପ୍ରକାରେ ସମସ୍ତ ପ୍ରକାର ସରକାରୀ ସହାୟତା କରାଯିବ।
Popular Categories
Previous article
Next article