ଦେଖନ୍ତୁ ଭିଡିଓ: ଚଟଣୀରେ ପହଁରୁଥିଲା ମୂଷା, ଖାଇବା ପୂର୍ବରୁ ଦେଖିଦେଲେ ଛାତ୍ରଛାତ୍ରୀ

ସମାଜ ଡିଜିଟାଲ ଡେସ୍କ: ଚଟଣୀରେ ପହଁରୁଥିଲା ମୂଷା। ହେଲେ ଖାଇବା ପୂର୍ବରୁ ଦେଖିଦେଲେ ଛାତ୍ରଛାତ୍ରୀ। ଏଭଳି ଏକ ଘଟଣା ସାମ୍ନାକୁ ଆସିଛି ହାଇଦ୍ରାବାଦସ୍ଥିତ ଜଓ୍ବାହରଲାଲ ନେହରୁ ପ୍ରଯୁକ୍ତିବିଦ୍ୟା ବିଶ୍ଵବିଦ୍ୟାଳୟରେ। ବିଶ୍ଵବିଦ୍ୟାଳୟ ଛାତ୍ରାବାସରେ ଛାତ୍ରଛାତ୍ରୀଙ୍କ ପାଇଁ ପ୍ରସ୍ତୁତ ହୋଇଥିବା ଖାଦ୍ୟ ମଧ୍ୟରୁ ଚଟଣୀରେ ଏକ ଜୀବନ୍ତ ମୂଷା ପହଁରୁଥିବା ଦେଖିବାକୁ ମିଳିଥିଲା। ଏହାର ଭିଡିଓ ଏବେ ସାମାଜିକ ଗଣମାଧ୍ୟମରେ ପ୍ରଘଟ ହୋଇଛି। ଚଟଣୀ ଭିତରେ ଏକ ମୂଷା ପଡ଼ିଯାଇଥିବାବେଳେ ତାହା ବାହାରକୁ ବାହାରିବାକୁ ଚେଷ୍ଟା କରୁଥିଲା। କିନ୍ତୁ ବାହାରି ନ ପାରି ଚଟଣୀରେ ପହଁରୁଥିଲା।

Rat in the “Chutney” in the JNTUH SULTANPUR.
What hygiene maintenance by the staff members is in a mess.@FoodCorporatio2 @examupdt @ABVPTelangana @NtvTeluguLive @hmtvnewslive @TV9Telugu @htTweets @KTRBRS @DamodarCilarapu @PawanKalyan @JanaSenaParty @Way2NewsTelugu pic.twitter.com/Es7bGLzRdP

— @Lakshmi Kanth (@330Kanth41161) July 8, 2024

ତେବେ ଆଶ୍ଚର୍ଯ୍ୟର କଥା ହେଉଛି ଘଟଣାର ଦିନକ ପୂର୍ବରୁ ଖାଦ୍ୟ ନିରାପତ୍ତା ଅଧିକାରୀମାନେ ଏହି ବିଶ୍ଵବିଦ୍ୟାଳୟ କ୍ୟାମ୍ପସରେ ଚଢ଼ାଉ କରିଥିଲେ। ଚଢ଼ାଉ ସମୟରେ ରୋଷେଇଶାଳାରୁ ଫିମ୍ପିମରା ପନିପରିବା, ପୋକ ସାଲୁବାଲୁ ଅଟା ରହିଥିବା ଦେଖିବାକୁ ମିଳିଥିଲା। ଏହା ସହିତ ରୋଷେଇଶାଳା ସମ୍ପୂର୍ଣ୍ଣ ଅସ୍ଵାସ୍ଥ୍ୟକର ପରିବେଶ ମଧ୍ୟରେ ରହିଥିଲା।