ଗୋପାଳପୁର: ୧୫ ଲକ୍ଷ ଟଙ୍କା ନେଇ ଫେରାର ହେଲେ ମାନବ ସମ୍ବଳ ଅଧିକାରୀ। ଗୋଳନ୍ଥରା ଥାନା ଅନ୍ତର୍ଗତ ଲଉଡିଗାଁ ଠାରେ ନିର୍ମାଣଧୀନ ରହିଥିବା ଆଇଜର କ୍ୟାମ୍ପସ ର ନିର୍ମାଣ କାମ ଦାୟିତ୍ଵ ରେ ଏକ ଠିକା ସଂସ୍ଥାର ମାନବ ସମ୍ବଳ ଅଧିକାରୀ ୧୫ ଲକ୍ଷ ଟଙ୍କା ସହ ଫେରାର ରହିଥିବା ନେଇ ଥାନାରେ ମାମଲା ରୁଜୁ କରାଯାଇଛି। ଅଭିଯୋଗ ଅନୁଯାୟୀ ଦିଲ୍ଲୀ ସ୍ଥିତ କେ ଜି ଏନ ସଂସ୍ଥା ଆଇଜର ର ନିର୍ମାଣ କାମରେ ନିୟୋଜିତ ରହିଥିବା ବେଳେ ସେଠାରେ ଆନ୍ଧ୍ରପ୍ରଦେଶ ବିଜୟବାଡା ର ଡି ଚନ୍ଦୁ ମାନବ ସମ୍ବଳ ଅଧିକାରୀ ଭାବେ ଗତ ୨୦୧୯ ରୁ କାର୍ଯ୍ୟରତ ଥିଲେ। ଗତ ୪ ତାରିଖରେ ଚନ୍ଦୁ କମ୍ପାନୀ ର କାର ଯୋଗେ ଭୂବନେଶ୍ବର କାର୍ଯ୍ୟାଳୟ କାମରେ ଯାଇ ସନ୍ଧ୍ୟା ସୁଦ୍ଧା ଫେରିବା କାର୍ଯ୍ୟକ୍ରମ ସ୍ଥିର ହୋଇଥିଲା। କିନ୍ତୁ ୫ ତାରିଖ ସୁଦ୍ଧା କାର୍ଯ୍ୟ କ୍ଷେତ୍ର କୁ ପହଞ୍ଚି ନଥିଲେ। ସକାଳ ୭ ଟା ବେଳେ କମ୍ପାନୀ ର ବିକାଶ କୁମାର ରୋସ୍ତୋଗି ଙ୍କ ମୋବାଇଲ କୁ କମ୍ପାନୀ ର କାର ବିଶାଖାପାଟଣା ରେଳ ଷ୍ଟେସନ ର ପାର୍କିଂ ସ୍ଥାନରେ କାର ପାର୍କିଂ କରାଯାଇଥିବା ନେଇ ମୋବାଇଲ ହ୍ବାଟସ ଆପ ରେ ମେସେଜ ସହ ଫଟୋ ଚନ୍ଦୁ ଙ୍କ ମୋବାଇଲ ରୁ ଆସିଥିଲା। ଏହା ଦେଖି ସେମାନେ ଆଶ୍ଚର୍ଯ୍ୟ ହେବା ସହ କମ୍ପାନୀ ର ଜି ଏମ ଏମ ଭି ଭାସ୍କର ରେଡ୍ଡୀ ଙ୍କ ସହ ବିଶାଖାପାଟଣା ପହଞ୍ଚି କାର କୁ ଠାବ କରିବା ସହ ସେଠାରୁ ତାକୁ ନେଇ ଆସିଥିଲେ। କିନ୍ତୁ ଘଟଣା ପରଠାରୁ ଚନ୍ଦୁଙ୍କ ମୋବାଇଲ ବନ୍ଦ ରହିଥିବା ବେଳେ କମ୍ପାନୀ ର ଦୈନନ୍ଦିନ କାମ ନିମନ୍ତେ ତାଙ୍କ ଠାରେ ଥିବା ୧୫ ଲକ୍ଷ ଟଙ୍କା ସହ ସେ ଫେରାର ରହିଥିବା ଲିଖିତ ଭାବେ ଶ୍ରୀ ରୋସ୍ତୋଗି ଅଭିଯୋଗ କରିଛନ୍ତି। ଅଭିଯୋଗ କୁ ଭିତ୍ତି କରି ପୁଲିସ ପକ୍ଷରୁ ଏକ ମାମଲା ରୁଜୁ କରାଯାଇ ତଦନ୍ତ ଜାରି ରହିଛି।
Popular Categories
Previous article
Next article