ସମ୍ବଲପୁର: ସମ୍ବଲପୁରର ବୁଢ଼ାରଜା ବନ ସଂରକ୍ଷଣ ସମିତି ପକ୍ଷରୁ ସ୍ଥାନୀୟ ବୁଢ଼ାରଜା ପାହାଡ ଠାରେ ବନ ମହୋତ୍ସବ ପାଳନ କରାଯାଇଛି। ଶନିବାର ଆୟୋଜିତ ଏହି କାର୍ଯ୍ୟକ୍ରମରେ ସମିତି ସଭାପତି ମେଘୁ ମୁଣ୍ଡା, ସମାଜସେବୀ କାର୍ତ୍ତିକ ପ୍ରସାଦ ବହିଦାର, ରଶ୍ମି ରଞ୍ଜନ ମହାପାତ୍ର ଙ୍କ ସମେତ ସମସ୍ତ ସଦସ୍ୟ ଓ ସଦସ୍ୟା ମାନେ ସାମିଲ ହୋଇଥିଲେ। ସମ୍ବଲପୁର ବନଖଣ୍ଡ ବିଭାଗର ସହଯୋଗରେ ଆୟୋଜିତ ଏହି କାର୍ଯ୍ୟକ୍ରମରେ ଟାଉନ ବନାଞ୍ଚଳ କାର୍ଯ୍ୟାଳୟର ଅଧିକାରୀ ଓ କର୍ମଚାରୀ ମାନେ ସାମିଲ ହୋଇଥିଲେ। ଜନତାଙ୍କ ମଧ୍ୟରେ ଗଛ ଲଗାନ୍ତୁ, ପରିବେଶ ସୁରକ୍ଷା ରଖନ୍ତୁ ଆଦି ସ୍ଲୋଗାନ ଦେଇ ଜନସଚେତନା ସୃଷ୍ଟି କରାଯାଇଥିଲା। କାର୍ଯ୍ୟକ୍ରମରେ ବିଭିନ୍ନ ଶିକ୍ଷାନୁଷ୍ଠାନର ଛାତ୍ରଛାତ୍ରୀ ମାନଙ୍କ ସମେତ ବନ କର୍ମଚାରୀ ଓ ସମିତିର ସଦସ୍ୟ ମାନେ ମିଳିତ ଭାବରେ ବିଭିନ୍ନ ପ୍ରଜାତି ଯଥା ପିପଳ, ବର, କୃଷ୍ଣ ଚୂଡା, ରାଧା ଚୂଡା, ଆମ୍ବ, ଆଦି ଚାରାରୋପଣ କରାଯାଇ ବୁଢ଼ାରଜା ପାହାଡ ଅଞ୍ଚଳରେ ସବୁଜ ପରିବେଶ ସୃଷ୍ଟି ପାଇଁ ଉଦ୍ୟମ କରାଯାଇଛି ଏବଂ ଜନତାଙ୍କୁ ସଚେତନ କରାଯାଇଛି।
Comments are closed.