ସୁନା ଅଳଙ୍କାର ଲୁଟି ମହିଳାଙ୍କୁ ହତ୍ୟା ଉଦ୍ୟମ, ଅଭିଯୁକ୍ତ ଗିରଫ

ଫୁଲବାଣୀ,ରାଇକିଆ: – ମହିଳାଙ୍କୁ ହତ୍ୟା ଉଦ୍ୟମ, ସୁନା ଅଳଙ୍କାର ଓ ଟଙ୍କା ଲୁଟ ମାମଲାରେ ଅଭିଯୁକ୍ତ ଗିରଫ। ଅଭିଯୁକ୍ତ ଠାରୁ ମାରଣାସ୍ତ୍ର ଏବଂ ସୁନା ଜବତ କଲା ରାଇକିଆ ପୋଲିସ। ଘଟଣା ଘଟିଛି ରାଇକିଆ ଥାନା ଅନ୍ତର୍ଗତ ଗେଦିଙ୍ଗିଆ ଗ୍ରାମର କୁମ୍ଭାର ଖାଡି ଅଂଚଳ ଗୁଡ୍ରିଗସି ଜଙ୍ଗଲରେ। ସୂଚନା ଅନୁସାରେ ମହିଳା ଜଣକଙ୍କ ଘର କୁମ୍ଭାର ଖାଡି ଗ୍ରାମରୁ ଶଶୁର ଘର ଇନ୍ଦ୍ରଗଡ ପଞ୍ଚାୟତ ଦୁବା ଗ୍ରାମ କୁ ଯାଉଥିବା ବେଳେ ରାସ୍ତାରେ ସେହି ଗ୍ରାମର ସିଦ୍ଧାନ୍ତ ଦିଗାଳ ନାମକ ଜଣେ ଯୁବକ ମହିଳାଙ୍କୁ ଜଙ୍ଗଲକୁ ଟାଣି ନେଇ ମରଣାନ୍ତକ ଆକ୍ରମଣ ସହ ମାଡ଼ ମାରି ହତ୍ୟା ଉଦ୍ୟମ କରିଥିଲା । ମହିଳାଙ୍କୁ ଅଚେତ ଅବସ୍ତାରେ ସୁନା ଗହଣା ଲୁଟି ନେଇଥିଲା ଅଭିଯୁକ୍ତ। ଏବଂ ଜି. ଉଦୟଗିରି ର ଗୋଟିଏ କପଡା ବ୍ୟାବସାୟୀ ଜଗବନ୍ଧୁ ଦାସଙ୍କ ଠାରେ ସୁନା ବିକ୍ରିକରି ଦେଇଥିଲେ। ରାଇକିଆ ପୋଲିସ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି ।
ଏନେଇ ରାଇକିଆ ଥାନାରେ କେସ ନ ୯୦/୨୪ ରେ ମାମଲା ରୁଜୁ ହୋଇଛି । ଗୁରୁତର ଆହତ ହୋଇଥିବା ମହିଳା ଜଣଙ୍କୁ ଚିକିତ୍ସା ପାଇଁ ଫୁଲବାଣୀ ସ୍ବାସ୍ଥ୍ୟ କେନ୍ଦ୍ର ରେ ଭର୍ତ୍ତି କରାଯାଇଛି । ଅଭିଯୁକ୍ତଙ୍କ ଠାରୁ ତିନୋଟି ସୁନା ହାର ଓ କାନଫୁଲ ଏବଂ ୧୧ ଶହ ଟଙ୍କା ଜବତ ପୋଲିସ ସୂଚନା ଦେଇଛନ୍ତି।