ବାସୁଦେବପୁର : ପ୍ରେମ ବିବାହର ଦୁଇମାସ ପୁରିନି। ପାଦରୁ ଲିଭିନି ଅଳତା। ହେଲେ ଯୌତୁକ ଜୁଇରେ ଶୋଇଲେ ନବବଧୂ। ଏମିତି ଘଟଣା ଘଟିଛି ବାସୁଦେବପୁର ଥାନା ଅଧିନ ରଥପଦା ତିଳଦା ଗ୍ରାମରେ।
ମିଳିଥିବା ସୂଚନା ମୁତାବକ, ନାଇକାଣିଡିହି ଥାନା ଅଧିନ ରାଜଘରପୋଖରୀ ଗ୍ରାମର ନକୁଳ ମହାନ୍ତିଙ୍କ ଝିଅ ମାନସୀଙ୍କୁ ତିଳଦା ଗ୍ରାମର ନାଥବୈରାଗୀ ଦାସ ବେହେରାଙ୍କ ପୁଅ ବିରୁପାକ୍ଷ ପ୍ରାୟ ୧ ବର୍ଷ ହେବ ଅପହରଣ କରିନେଇଥିଲା। ଚଳିତବର୍ଷ ମେ’ ୧୦ ତାରିଖରେ ଉଭୟ ବିବାହ କରିବାର ଆଠଦିନ ପରେ ଝିଅ ଫୋନ୍ କରି ଜଣାଇଥିଲା। ହସ ଖୁସିର ସଂସାରରେ ମାଡ଼ି ଆସିଲା କଳାବାଦଲ। କୌଣସି କାରଣରୁ କୀଟନାଶକ ପିଇ ଦେଇଥିଲେ ମାନସୀ। ଚିକିତ୍ସା ପାଇଁ ତାଙ୍କୁ ଡାକ୍ତରଖାନା ନେଇଥିବାବେଳେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଛନ୍ତି। ଖବରପାଇ ବାପାଘର ଲୋକେ ଡାକ୍ତରଖାନାରେ ପହଞ୍ଚିବା ପରେ ଯୌତୁକ ପାଇଁ ଝିଅକୁ ଜୀବନରୁ ମାରିଦେଇଥିବା ନେଇ ବାସୁଦେବପୁର ଥାନାରେ ଅଭିଯୋଗ ହୋଇଛି। ଅଭିଯୋଗ ପାଇବା ପରେ ପୁଲିସ ଘଟଣାର ତଦନ୍ତ କରୁଥିବା ତଦନ୍ତକାରୀ ପୁଲିସ ଅଧିକାରୀ ଭାଗିରଥୀ ନାୟକ ଜଣାଇଛନ୍ତି।
Comments are closed.