ଜି ଉଦୟଗିରି: ଜି ଉଦୟଗିରି ବନାଞ୍ଚଳ ଅନ୍ତର୍ଗତ କଳିଙ୍ଗା ସେକ୍ସନର ତଲାରିମାହା ବିଟ୍ର ଭାଞ୍ଜପଦର ସଂରକ୍ଷିତ ଜଙ୍ଗଲରେ ୭୫ତମ ବନମହୋତ୍ସଵ ପାଳିତ ହୋଇଯାଇଛି। ଉପ ବନ ସଂରକ୍ଷକ କାଜଲ୍ ନାୟକଙ୍କ ଅଧ୍ୟକ୍ଷତାରେ ମୁଖ୍ୟ ଅତିଥି ଭାବେ ପୂର୍ବତନ ବିଧାୟିକା ଅଜୟନ୍ତୀ ପ୍ରଧାନ, ଅନ୍ୟତମ ଅତିଥି ଭାବେ ଟିକାବାଲି ପଞ୍ଚାୟତ ସମିତି ଅଧ୍ୟକ୍ଷ ଦିଲୀପ କୁମାର କହଁର, ସରପଞ୍ଚ ତାଲାରିମାହା ବଳଭଦ୍ର କହଁର ନାଏବ ସରପଞ୍ଚ ପ୍ରିୟଙ୍କା ପ୍ରଧାନ ଓ ଅବସରପ୍ରାପ୍ତ ପ୍ରକଳ୍ପ ନିର୍ଦ୍ଦେଶକ ରାଘବ ମଲ୍ଲିକ ଯୋଗଦେଇ ସାଂପ୍ରତିକ ପରିସ୍ଥିତିରେ ପରିବେଶର ସୁରକ୍ଷା ପାଇଁ ବୃକ୍ଷ ରୋପଣର ଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ। ଉକ୍ତ ସଂରକ୍ଷିତ ଜଙ୍ଗଲରେ ୫୦ହେକ୍ଟର ଅଞ୍ଚଳରେ ବିଭିନ୍ନ ପ୍ରକାରର ୧୦୦୦୦ ଚାରା ରୋପଣ କରାଯିବା ନେଇ ବନପାଳ ରଶ୍ମିତା ବକ୍ସି ସୂଚନା ଦେଇଛନ୍ତି। ପୂର୍ବରୁ ଉକ୍ତ ବନାଞ୍ଚଳ ଅନ୍ତର୍ଗତ ସିରିକି ଇକୋ ପାର୍କଠାରେ ବନପାଳ ପ୍ରଶାନ୍ତ କୁମାର ସାହୁଙ୍କ ତତ୍ତ୍ଵାବଧାନରେ ମୁଖ୍ୟ ଅତିଥି ଭାବେ ପଞ୍ଚାୟତ ସମିତି ଅଧ୍ୟକ୍ଷା ସୁଷମା ପ୍ରଧାନ ଯୋଗଦେଇ ବୃକ୍ଷରୋପଣ କରିଥିଲେ। କାର୍ଯ୍ୟକ୍ରମରେ ସମସ୍ତ ବନ କର୍ମଚାରୀ ସହଯୋଗ କରିଥିଲେ।
Comments are closed.