ନୂଆଦିଲ୍ଲୀ : ଟିଭିଏସ୍ ପୁଣି ଭାରତରେ ରେସିଂ ପାଇଁ ନିଜ ଇଲେକ୍ଟ୍ରିକ୍ ସ୍ପୋର୍ଟ୍ସ ବାଇକର ପ୍ରଦର୍ଶନ କରିଛି । ଏହି ବାଇକର ନାଁ ଆପାଚେ ଆରଟିଇ । ଏହାକୁ ଟିଭିଏସ୍ କିଛି ଭାଗିଦାରୀଙ୍କ ସାହାଯ୍ୟରେ ପ୍ରସ୍ତୁତ କରିଛି । ଆପାଚେ ଆରଟିଇ ଏକ ଇଲେକ୍ଟ୍ରିକ୍ ସ୍ପୋର୍ଟ୍ସ ବାଇକ ଯାହା ୨୦୦ କି.ମି. ପ୍ରତି ଘଣ୍ଟା ସ୍ପିଡରେ ଯାତ୍ରା କରିପାରିବ । ଏଥିରେ କାର୍ବନ ଫାଇବର ଚେସିସି ବ୍ୟବହାର କରାଯାଇଛି ।
ରାସ୍ତାରେ ଉତ୍ତମ ଗ୍ରିପ୍ ପାଇଁ ଏଥିରେ ପିରେଲି ସୁପର କୋର୍ସା ଟାୟାର ବ୍ୟବହାର କରାଯାଇଛି । ପାଓ୍ବର-ଟୁ-ଓ୍ବେଟ୍ ରେସିଓ ପାଇଁ କାର୍ବନ ଫାଇବର ହ୍ବିଲ୍ ବ୍ୟବହାର କରାଯାଇଛି । ଆପାଚେ ଆରଟିଇର ପରର୍ଫମାନ୍ସ କଥା କହିବା ତ ଏହି ବାଇକ୍ ଫୁଲ ଚାର୍ଜରେ ପ୍ରାୟ ୫୦ କିଲୋମିଟର ରେଞ୍ଜ ପ୍ରଦାନ କରିବ । ଏହା ୨ ଘଣ୍ଟାରେ ସମ୍ପୂର୍ଣ୍ଣ ଚାର୍ଜ ହୋଇଯିବ ।
ବର୍ତ୍ତମାନ ଟିଭିଏସ୍ ଏହି ଇଲେକ୍ଟ୍ରିକ୍ ମୋଟରସାଇକେଲକୁ ବଜାରରେ ଲଞ୍ଚ୍ କରିବାର କୌଣସି ଯୋଜନା ନାହିଁ । ଏହି ରେସ୍ ବାଇକରୁ ବହୁତ କିଛି ଶିଖିବାକୁ ମିଳିବ ଯାହା ଭବିଷ୍ୟତରେ ଇଲେକ୍ଟ୍ରିକ୍ ବାଇକ ନିର୍ମାତା କମ୍ପାନୀକୁ ସାହାଯ୍ୟ କରିବ । କହିରଖୁଛୁ ବର୍ତ୍ତମାନ ଟିଭିଏସ ପୋର୍ଟଫୋଲିଓରେ ଭାରତୀୟ ବଜାର ପାଇଁ କେବଳ ଆଇକ୍ୟୁବ୍ ଇଲେକ୍ଟ୍ରିକ୍ ସ୍କୁଟର ହିଁ ରହିଛି ।
Comments are closed.