ଗୋପାଳପୁର ପାନ୍ଥନିବାସରେ ରଜପର୍ବ ପାଳନ

ଗୋପାଳପୁର : ଗୋପାଳପୁର ପାନ୍ଥନିବାସରେ ତିନି ଦିନ ଧରି ରଜପର୍ବ ଉତ୍ସବ ପାଳନ କରାଯାଉଛି। ପରିଚାଳକ ବାପି ରଞ୍ଜନ ସାହୁଙ୍କ ଅଧ୍ୟକ୍ଷତାରେ ରଜ ଉତ୍ସବ ଅନୁଷ୍ଠିତ ହୋଇଛି । ପର୍ଯ୍ୟଟକଙ୍କୁ ଆକୃଷ୍ଟ କରିବା ପାଇଁ ଏହି ରଜପର୍ବ ତିନି ଦିନ ପାଳନ ପାଇଁ ପାନ୍ଥନିବାସ ପରିସରରେ ସୁସଜ୍ଜିତ ଦୋଳି ପ୍ରସ୍ତୁତ କରାଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ସ୍ଥାନୀୟ ଏନଏସି ଅଧକ୍ଷ ଏ.ଜାନକୀ ରାମ ଯୋଗ ଦେଇ ଉଦଘାଟନ କରିବା ସହ ପାନ୍ଥନିବାସ ପ୍ରତ୍ୟେକ ବର୍ଷ ଏଭଳି କାର୍ଯ୍ୟକ୍ରମ କରି ପର୍ଯ୍ୟଟକଙ୍କୁ ଆକୃଷ୍ଟ କରୁଥିବାରୁ କର୍ତ୍ତୃପକ୍ଷଙ୍କୁ ଉଚ୍ଚ ପ୍ରଶଂସା କରିଥିଲେ ।

ସମ୍ମାନିତ ଅତିଥି ଭାବେ ଏନଏସି ଉପାଧ୍ୟକ୍ଷା ବି. ଉମା, ଜି. ମହୋନ, ସନତ କୁମାର ପଣ୍ଡାଙ୍କ ସମେତ ପାନ୍ଥନିବାସରେ ରହୁଥିବା ପର୍ଯ୍ୟଟକ ଓ କର୍ମଚାରୀ ପ୍ରମୁଖ ଉପସ୍ଥିତ ଥିଲେ କ୍ଷ ଏହି ଅବସରରେ ପାନ୍ଥନିବାସ ପକ୍ଷରୁ କାକରା, ମଣ୍ଡା, ପୋଡ଼ ପିଠା, ଦହିବରା ଆଦି ପିଠା ପ୍ରସ୍ତୁତ ହୋଇ ବଣ୍ଟନ ହୋଇଥିଲା । ପରେ ପର୍ୟ୍ୟଟକ ମାନେ ଦୋଳି ଖେଳିବାର ମଜା ନେଇଥିଲେ । ସେହିପରି ଗୋପାଳପୁର ସ୍ଥିତ ଜରା ନିବାସର ପରିଚାଳିକା ସାବିତ୍ରୀ ଦେବତାଙ୍କ ଅଧକ୍ଷତାରେ ରଜ ପର୍ବ ପାଳନ ହୋଇଥିଲା । ସକାଳୁ ଅନ୍ତେବାସୀମାନେ ମହା ଆଡମ୍ବରରେ ରଜପର୍ବ ପାଳନ କରି ପିଠାପଣା, ଲୁଡୁ ଓ ରଜ ପାନ ଏବଂ ଦୋଳିର ମଜା ନେଇଥିଲେ ।