ରୋମ : ଇଟାଲୀରେ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତି ଭଙ୍ଗାରୁଜା କରିଛନ୍ତି ଖଲିସ୍ତାନ ସମର୍ଥକ। ବୁଧବାର ମହାତ୍ମା ଗାନ୍ଧୀଙ୍କ ଏହି ପ୍ରତିମୂର୍ତ୍ତି ଉନ୍ମୋଚିତ ହେବାର କିଛିଘଣ୍ଟା ପରେ କେତେକ ଖଲିସ୍ତାନ ସମର୍ଥକ ତାହାକୁ ଭଙ୍ଗାରୁଜା କରିଛନ୍ତି। ସୂଚାନଥାଉ କି ଇଟାଲୀରେ ୧୩ରୁ ୧୫ ପର୍ଯ୍ୟନ୍ତ ଜି୭ ସମ୍ମିଳନୀ ଅନୁଷ୍ଠିତ ହେବାକୁ ଯାଉଛି। ଏହି ସମ୍ମିଳନୀରେ ଯୋଗ ଦେବେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ଜି-୭ ସମ୍ମିଳନୀରେ ଯୋଗ ଦେବାକୁ ମୋଦୀଙ୍କୁ ଇଟାଲୀ ପ୍ରଧାନମନ୍ତ୍ରୀ ଜର୍ଜିୟା ମେଲୋନି ନିମନ୍ତ୍ରଣ କରିଥିଲେ। ମୋଦୀଙ୍କ ଇଟାଲୀ ଗସ୍ତ ପୂର୍ବରୁ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତି ଭଙ୍ଗାରୁଜାକୁ ନେଇ ବିିଭିନ୍ନ ମହଲରୁ ଅସନ୍ତୋଷ ପ୍ରକାଶ ପାଇଛି। ଭାରତୀୟ ବୈଦେଶିକ ବିଭାଗ ସଚିବ ବିନୋଦ ମୋହନ କହିଥିଲେ ଇଟାଲୀରେ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତି ଭଙ୍ଗାରୁଜା କରାଯିବା ଦୁର୍ଭାଗ୍ୟଜନକ। ଏ ନେଇ ଭାରତ ସରକାରଙ୍କ ତରଫରୁ ଇଟାଲୀ ସରକାରଙ୍କ ନିକଟରେ ଉଦ୍ବେଗ ପ୍ରକାଶ କରାଯାଇଛି। ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତି ଭଙ୍ଗାରୁଜାରେ ଜଡ଼ିତ ବ୍ୟକ୍ତିଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ପାଇଁ ଭାରତ ତରଫରୁ ଦାବି ହୋଇଛି। ସୂଚନାଥାଉ କି ଗତବର୍ଷ କାନାଡ଼ାର ଏକ ବିଶ୍ବବିଦ୍ୟାଳୟ ପରିସରରେ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତି ଭଙ୍ଗାରୁଜା କରାଯାଇଥିଲା।
Popular Categories
Previous article
Next article