ଗୋପାଳପୁର: ଗୋଳନ୍ଥରା ଥାନା ଅନ୍ତର୍ଗତ ଛେଳିଆ ଗ୍ରାମରେ ରାତିରେ ଘରେ ସମସ୍ତେ ଶୋଇଥିବା ବେଳେ ଘରର ପଛପଟ ଗ୍ରିଲ ଭାଙ୍ଗି ଦୁର୍ବୃତ୍ତ ମାନେ ଘରର ସମସ୍ତ ସଦସ୍ୟଙ୍କୁ ରାସାୟନିକ ଦ୍ରବ୍ୟ ସ୍ପ୍ରେ କରି ସୁନା, ରୂପା ଅଳଙ୍କାର ସହ ଟଙ୍କା ଚୋରି କରିଥିବା ନେଇ ଥାନାରେ ଲିଖିତ ଅଭିଯୋଗ କରାଯାଇଛି। ଅଭିଯୋଗ ଅନୁଯାୟୀ ଛେଳିଆ ଗ୍ରାମର ମନୋଜ କୁମାର ବେହେରା ରବିବାର ରାତିରେ ସପରିବାର ଖାଇବା ପରେ ଶୋଇ ପଡ଼ିଥିଲେ। ରାତି ୨ଟାରୁ ୩ଟା ମଧ୍ୟରେ କୈାଣସି ଦୁର୍ବୃତ୍ତ ଘର ପଛପଟ ଗ୍ରିଲ ଭାଙ୍ଗି ଘରେ ପ୍ରବେଶ କରି ରାସାୟନିକ ଦ୍ରବ୍ୟ ସ୍ପ୍ରେ କରି ମନୋଜଙ୍କ ସ୍ତ୍ରୀଙ୍କ ବେକରୁ ୮ ଗ୍ରାମ ଓଜନର ମଙ୍ଗଳ ସୁତ୍ର ସହ ଆଲମିରାରେ ଥିବା ସାଢେ଼ ୫ ତୋଳାର ଅନ୍ୟାନ୍ୟ ସୁନା ଅଳଙ୍କାର ସହ ୧୦ ତୋଳା ଓଜନର ରୁପା ଅଳଙ୍କାର ଏବଂ ୩୦ ହଜାର ଟଙ୍କା ଲୁଟ କରି ନେଇଥିବା ନେଇ ଥାନାରେ ଲିଖିତ ଅଭିଯୋଗ କରିଛନ୍ତି। ଅଭିଯୋଗକୁ ଭିତ୍ତି କରି ପୁଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।
Comments are closed.