ଭୁବନେଶ୍ୱର : ନିର୍ବାଚନ ପ୍ରଚାର ସରିବା ପରେ ନେତାଙ୍କୁ ଫୁରସତ ମିଳିଛି। ଏହି ସୁଯୋଗ ହାତଛଡ଼ା କରିନାହାନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ମୁଖ୍ୟମନ୍ତ୍ରୀ ଶୁକ୍ରବାର ସନ୍ଧ୍ୟାରେ ମାଷ୍ଟରକ୍ୟାଣ୍ଟିନ ଛକ ସ୍ଥିତ ମଡର୍ଣ୍ଣ ବୁକ୍ ଡିପୋରେ ପହଞ୍ଚିଥିଲେ। ସାଥୀରେ ଥିଲେ ବିଜେଡି ନେତା କାର୍ତ୍ତିକ ପାଣ୍ଡିଆନ୍। ଗାଡ଼ିରୁ ଓହ୍ଲାଇ ବୁକ୍ ଷ୍ଟୋର ଭିତରକୁ ଯାଇଥିଲେ ମୁଖ୍ୟମନ୍ତ୍ରୀ। ବୁକ୍ ଷ୍ଟଲ୍ରୁ ମୁଖ୍ୟମନ୍ତ୍ରୀ କିଣିଥିଲେ ‘ସିକ୍ରେଟ୍ସ ଅଫ୍ ଶିମିଳିପାଳ’ ଏବଂ ‘ଆର୍ୟନ୍’ ପୁସ୍ତକ। ଦୁଇଟି ବହିର ମୂଲ୍ୟ ଅଢ଼େଇ ହଜାର ଟଙ୍କା ନିଜେ ପ୍ରଦାନ କରିଥିଲେ ମୁଖ୍ୟମନ୍ତ୍ରୀ। ନିର୍ବାଚନ ପ୍ରଚାର ପରେ ରିଲାକ୍ସ ହେବାକୁ ବହି କିଣିବାକୁ ଆସିଥିବା ମୁଖ୍ୟମନ୍ତ୍ରୀ କହିଛନ୍ତି। ବୁକ୍ ଷ୍ଟୋର କର୍ତ୍ତୃପକ୍ଷ କହିଛନ୍ତି, ବିଜୁ ବାବୁ ମଧ୍ୟ ତାଙ୍କ ବହି ଦୋକାନକୁ ଆସୁଥିଲେ। ବହି କିଣା ସାଙ୍ଗକୁ ସେଠାରେ ଉପସ୍ଥିତ ଲୋକଙ୍କ ସହ କଥା ହୋଇଥିଲେ ନବୀନ। ପିଲାଙ୍କ ସହ ସେଲ୍ଫି ନେବା ପରେ ପୁଣି ଫେରିଯାଇଥିଲେ ନବୀନ ନିବାସ।
Popular Categories
Previous article
Next article