ଡେସ୍କ: ରାଜ୍ୟର ୧୧୩ଟି ମହାବିଦ୍ୟାଳୟ ଓ ବିଶ୍ୱବିଦ୍ୟାଳୟରେ ସ୍ନାତକୋତ୍ତର ଶ୍ରେଣୀରେ ନାମ ଲେଖାଇବା ପାଇଁ ଏକକ ସ୍ନାତକୋତ୍ତର ପ୍ରବେଶିକା ପରୀକ୍ଷା-୨୦୨୪ ନିମନ୍ତେ ଆବେଦନ ଶେଷ ହୋଇଛି। ଏଥିପାଇଁ ମେ’ ୨୭ ଶେଷ ତାରିଖ ଥିଲା। ଉଚ୍ଚ ଶିକ୍ଷା ବିଭାଗ ସୂଚନା ଅନୁଯାୟୀ, ମୋଟ ୨୮ ହଜାର ୯୨୬ଟି ଆସନ ପାଇଁ ୬୩ ହଜାର ୧୪୮ ଜଣ ଆବେଦନ କରିଛନ୍ତି। ଏଥିପାଇଁ ଆସନ୍ତା ଜୁଲାଇ ୩ରୁ ୧୪ ଯାଏଁ ପ୍ରବେଶିକା ପରୀକ୍ଷା ଅନୁଷ୍ଠିତ ହେବ। ଆବେଦନ କରିଥିବା ଛାତ୍ରଛାତ୍ରୀମାନେ ଜୁନ ୨୨ ତାରିଖ ପୂର୍ବାହ୍ନ ୧୧ଟା ପରେ ସାମ୍ସ ପୋର୍ଟାଲରୁ ଆଡମିଟ କାର୍ଡ ଡାଉନଲୋଡ଼ କରିପାରିବେ।
ସୂଚନା ଅନୁଯାୟୀ, ଚଳିତ ବର୍ଷ ପୁରୀ ଶ୍ରୀ ଜଗନ୍ନାଥ ସଂସ୍କୃତ ବିଶ୍ୱବିଦ୍ୟାଳୟ ଓ ଓଡ଼ିଆ ବିଶ୍ୱବିଦ୍ୟାଳୟକୁ ଏହି ପ୍ରକ୍ରିୟାରେ ସାମିଲ କରାଯାଇଛି।
