ମୁମ୍ବଇ: ଆନୁଷ୍ଠାନିକ ଭାବେ ‘ଧଡ଼କ୍ ୨’ର ଘୋଷଣା କରିଛନ୍ତି କରଣ ଜୋହର। ଚଳିତ ବର୍ଷ ପରଦାକୁ ଆସିବ ଏହି ଚଳଚ୍ଚିତ୍ର। ଏଥିରେ ନାୟକ ଓ ନାୟିକା ଭୂମିକାରେ ନଜର ଆସିବେ ସିଦ୍ଧାନ୍ତ ଚତୁର୍ବେଦୀ ଓ ତୃପ୍ତି ଡିମ୍ରି। ଫିଲ୍ମର ନିର୍ଦେଶନା ଭାର ସମ୍ଭାଳିଛନ୍ତି ଶାଜିଆ ଇକବାଲ୍। ସାମାଜିକ ଗଣମାଧ୍ୟମ ପୋଷ୍ଟ ଜରିଆରେ ଫିଲ୍ମକୁ ଆନୁଷ୍ଠାନିକ ଭାବେ ଘୋଷଣା କରିଛନ୍ତି କରଣ ଜୋହର।
View this post on Instagram
କରଣ ଇନଷ୍ଟାଗ୍ରାମରେ ଏକ ପୋଷ୍ଟ କରିଛନ୍ତି। ଏଥିରେ ଚଳଚ୍ଚିତ୍ରର ଏକ ଟିଜର୍ ଭିଡିଓ ଶେୟାର କରାଯାଇଛି। ଏହା ସହ କ୍ୟାପ୍ସନରେ ଲେଖାହୋଇଛି, ‘‘ଏ କାହାଣୀ ଟିକିଏ ଅଲଗା, କାରଣ ଜଣେ ଥିଲା ରାଜା, ଜଣେ ଥିଲା ରାଣୀ, ଜାତି ଅଲଗା ଥିଲା.. ଶେଷ କାହାଣୀ’’। ଏଥିସହ ସେ ଲେଖିଛନ୍ତି ଯେ, ଫିଲ୍ମରେ ତୃପ୍ତି ଡିମ୍ରି ଓ ସିଦ୍ଧାନ୍ତ ଚତୁର୍ବେଦୀ ମୁଖ୍ୟ ଭୂମିକାରେ ଅଛନ୍ତି। ନଭେମ୍ବର ୨୨ରେ ପରଦାକୁ ଆସିବ ଏହି ଚଳଚ୍ଚିତ୍ର।
ବିବାହ ଓ ପାର୍ଟିରେ ସାମିଲ ହେବାକୁ ମୋଟା ଅଙ୍କର ପାଉଣା ନିଅନ୍ତି ପ୍ରଭାସ; ଫିସ୍ ଜାଣି ଚମକି ପଡ଼ିବେ
ଟିଜରରୁ ଜଣାପଡ଼ୁଛି ଫିଲ୍ମ ଦୁଃଖ ଭରା କାହାଣୀ ଉପରେ ଆଧାରିତ। ଏଥିରେ ଜାତି ଏବଂ ବର୍ଗରେ ବିଭକ୍ତ ସମାଜର ବାସ୍ତବତା ପ୍ରଦର୍ଶିତ ହୋଇଛି। ଚଳଚ୍ଚିତ୍ରକୁ ଜୀ ଷ୍ଟୁଡିଓଜ୍, ଧର୍ମା ପ୍ରଡକ୍ସନ ଓ କ୍ଲାଉଡ୍ ୯ ପିକ୍ଚର୍ସ ମିଳିତ ଭାବେ ପ୍ରସ୍ତୁତ କରୁଛନ୍ତି। ଚଳଚ୍ଚିିତ୍ର ଘୋଷଣା ହେବା ପରେ ଦର୍ଶକ ବେଶ୍ ଉତ୍ସାହିତ ଥିବା କମେଣ୍ଟ ଜରିଆରେ ପ୍ରକାଶ କରିଛନ୍ତି।
