ବାଲେଶ୍ୱର: ସିମୁଳିଆ ଥାନା ଅନ୍ତର୍ଗତ ପୁରୁଷୋତମପୁରରେ ଅଭାବନୀୟ ଘଟଣା। ବେକରେ ବିଦ୍ୟୁତ ତାର ଲଗାଇ ପାର୍ବତୀପୁର ଗାଁରେ ଦମ୍ପତି ଆତ୍ମହତ୍ୟା କରିଥିବା ଅଭିଯୋଗ ହୋଇଛି। ମୃତକ ହେଲେ ମନୋଜ ମହାକୁଡ ଓ ତାଙ୍କ ପତ୍ନୀ ସସ୍ମିତା ମହାକୁଡ। ମନୋଜଙ୍କ ଘରର କବାଟ ଦୀର୍ଘ ସମୟ ଧରି ଖୋଲିନଥିବାରୁ ରବିବାର ଅପରାହ୍ନରେ କବାଟ ବଢେଇଥିଲେ ପରିବାର ଲୋକେ। କବାଟ ନଖୋଲିବାରୁ କବାଟ ତାଡି ଭିତରକୁ ପଶି ଉଭୟଙ୍କ ମୃତଦେହ ଦେଖିଥିଲେ। ଦୁହିଁଙ୍କ ବେକରେ ବିଦ୍ୟୁତ ତାର ଗୁଡେଇ ହୋଇଥିବା ଦେଖି ଆଶ୍ଚର୍ଯ୍ୟ ହୋଇଥିଲେ। ସାଙ୍ଗେ ସାଙ୍ଗେ ପରିବାର ସଦସ୍ୟ ପୁଲିସକୁ ଖବର ଦେବାରୁ ସିମୁଳିଆ ଥାନା ପୁଲିସ ଘଟଣା ସ୍ଥଳରେ ପହଞ୍ଚି ଛାନଭିନ କରୁଛି।
