ଧାମରା: ଧାମରା ନିକଟସ୍ଥ ଦୋସିଙ୍ଗା ରେ ବିଜେଡି ପକ୍ଷରୁ ଏକ ରୋଡ ଶୋ ଅନୁଷ୍ଠିତ ହୋଇ ଯାଇଛି। ଚାନ୍ଦବାଲି ବିଧାୟକ ବ୍ୟୋମକେଶ ରାୟ ଦୋସିଙ୍ଗା ଠାରେ ପହଞ୍ଚିବା ପରେ ଦୋସିଙ୍ଗା ପଞ୍ଚାୟତବାସୀଙ୍କ ପକ୍ଷରୁ ଏକ ସ୍ୱାଗତ ସମ୍ବର୍ଦ୍ଧନା କରାଯାଇ ବିଧାୟକଙ୍କୁ ବିଜେଡି କାର୍ଯ୍ୟାଳୟକୁ ପାଛୋଟି ନିଆଯାଇଥିଲା। ଏହାପରେ ଏକ ମୋଟରସାଇକେଲ ରାଲି ନରସିଂହପ୍ରସାଦ ଠାରୁ ଆରମ୍ଭ ହୋଇ ଦୋସିଙ୍ଗା ପଞ୍ଚାୟତ ଅତିକ୍ରମ କରିଥିଲା। ଏହି ମୋଟରସାଇକେଲ ରାଲିରେ ଶହ ଶହ ସଂଖ୍ୟାରେ ମୋଟର ସାଇକେଲ ଏବଂ ବିଜୁ ଜନତା ଦଳର ଛାମୁଆ ନେତାଙ୍କ ସହ ବହୁ କର୍ମୀମାନେ ଯୋଗ ଦେଇଥିଲେ।
ଚାନ୍ଦବାଲି ବିଧାୟକ ବ୍ୟୋମକେଶ ରାୟ ଆସନ୍ତା ଜୁନ ୧ ରେ ହେବାକୁ ଥିବା ନିର୍ବାଚନରେ ୨ଥର ଶଙ୍ଖ ବଟମ ଦବାଇ ବିଜୁ ଜନତା ଦଳକୁ ବିପୁଳ ସଂଖ୍ୟାରେ ଭୈାଟ ଦେବାକୁ ସାଧାରଣ ଜନତାଙ୍କୁ ଅନୁରୋଧ କରିଥିଲେ। ଆଜି ହୋଇଥିବା ଏହି ମୋଟର ସାଇକେଲ ରାଲିରେ ବ୍ୟୋମକେଶ ରାୟ, ୨ନଂ ଜୋନର ଜିଲା ପରିଷଦ ରଞନ କୁମାର ସାହୁ, ଦୋସିଙ୍ଗା ପଞ୍ଚାୟତ ବିଜୁ ଜନତା ଦଳ ସଭାପତି ମୁଜିବୁର ଅଲ୍ଲି ଖାଁ, ଅଶୋକ ଜେନା, ସୁକୁମାର ଜେନା, ମାନିକ ଦିନ୍ଦା, ଦୁଲାଲ ସିଂ, ପ୍ରତାପ ରାଉତ,, ସନାତନ ମାନ୍ନା, ଅରୁଣ ମାଇତି, ଜଗଦିଶ ଭୂୟା, ଜଗତ ଜେନା, ବିକ୍ରମ ମାଇତି, ପ୍ରଦ୍ୟୁମ୍ନ ମାନ୍ନା, ଖତୁ ଦାସ, କାହ୍ନୁ ମାନା ପ୍ରମୁଖ ଉପସ୍ଥିିତ ରହିବା ସହ ବିଜେଡିକୁ ଭୋଟ ଦେବାକୁ ଅଞ୍ଚଳବାସୀଙ୍କୁ ନିବେଦନ କରିଛନ୍ତି।
