ସମ୍ବଲପୁର: ସମ୍ବଲପୁରର ଫାର୍ମ ରୋଡ ରୋହିଦାସ ନଗର ନିକଟରେ ଥିବା କୃଷି ବିଭାଗର ଏକ ପୁରୁଣା କୋଠା ବୁଧବାର ଦିନ ସମୟରେ ହଠାତ ଭୁଷୁଡି ପଡ଼ିଛି। ଏହି ସମୟରେ ଉକ୍ତ ଘର ନିକଟରେ ଏକ ନାଳର ନିର୍ମାଣ ଚାଲୁଥିବା ବେଳେ ପରିତ୍ୟକ୍ତ ଭାବରେ ପଡ଼ିଥିବା କୋଠାଟି ଭୂଷୁଡି ଯାଇଥିଲା। ନାଳ ନିର୍ମାଣ କରୁଥିବା ୩ ଜଣ ଶ୍ରମିକ ମାନେ ଅଳ୍ପକେ ରକ୍ଷା ପାଇ ଯାଇଛନ୍ତି। ନାଳ ନିର୍ମାଣ ପୂର୍ବରୁ ରୋହିଦାସ ନଗର ନିବାସୀ ଏହି ପୁରୁଣା କୋଠାକୁ ଭାଙ୍ଗିବା ପରେ ନାଳ ନିର୍ମାଣ ପାଇଁ ଦାବି କରୁଥିବା ବେଳେ କିନ୍ତୁ ପ୍ରଶାସନ ଧ୍ୟାନ ଦେଇ ନ ଥିଲା। ଫଳରେ ନାଳ ନିର୍ମାଣ ସମୟରେ ଅଚାନକ କୋଠାଟି ଭୂଷୁଡି ପଡ଼ିବାରୁ ନିର୍ମାଣ ଶ୍ରମିକ ମାନେ ସୌଭାଗ୍ୟବଶତଃ ଅଳ୍ପକେ ରକ୍ଷା ପାଇ ଯାଇଛନ୍ତି। ଏହି କୋଠାଟି ଭୂଷୁଡି ଯିବାରୁ ରୋହିଦାସ ନଗରକୁ ଯାଉଥିବା ଏକ ରାସ୍ତା ଅବରୁଦ୍ଧ ହୋଇଛି ଏବଂ ଲୋକେ ନାହିଁ ନ ଥିବା ଅସୁବିଧା ଭୋଗ କରୁଥିବାରୁ ଅସନ୍ତୋଷ ବ୍ୟକ୍ତ କରୁଛନ୍ତି।
Comments are closed.