ଆଚରଣ ବିଧି ଉଲଂଘନ ଅଭିଯୋଗ ଆଣିଲେ ଅଭିଯୋଗ

ଧାମରା: ଦୀର୍ଘ ଦିନ ହେବ ନିଜ ଗ୍ରାମକୁ ରାସ୍ତା ନଥିବା ବେଳେ ସେହି ପଂଚାୟତର ସରପଂଚଙ୍କ ପାଖରେ ଏହି ରାସ୍ତା ନିର୍ମାଣକୁ ନେଇ ଗ୍ରାମବାସୀ ମାନେ ଅଭିଯୋଗ କରିବା ସହ ଗୁହାରୀ ମଧ୍ୟ କରି ଆସୁଥିଲେ। ହେଲେ ଏହି ରାସ୍ତା ନିର୍ମାଣ ଆଜି ଭଳି ଦିନରେ ସାତ ସପନ ହୋଇ ରହିଯାଇଥିବା ବେଳେ ରାତି ଅଧିଆ ଏହି ରାସ୍ତା ନିର୍ମାଣ ହେଉଥିବା ବେଳେ ସ୍ଥାନୀୟ ଅଧିବାସୀ ଏହାକୁ ବିରୋଧ କରିଛନ୍ତି। ଜାଗୁଳା ପଂଚାୟତରେ ବଳଭଦ୍ର ପ୍ରସାଦ ଗ୍ରାମଟି ୧୩ ନଂ ଓାର୍ଡରେ ଯାଉଥିବା ବେଳେ ଏହି ଗ୍ରାମରେ ୫ଶହ ପରିବାର ବସବାସ କରୁଛନ୍ତି। ଏହି ଗ୍ରାମବାସୀ ଦୀର୍ଘ ଦିନ ହେବ ଜାଗୁଳା ପଂଚାୟତ ସରପଂଚଙ୍କ ନିକଟରେ ଏହି ରାସ୍ତା ନିର୍ମାଣ କରିବାକୁ ଦାବୀ କରି ଆସୁଥିଲେ। ଗତକାଲି ବିଳମ୍ବିତ ରାତିରେ ଟ୍ରକରେ ରାସ୍ତା ନିର୍ମାଣ ସାମଗ୍ରୀ ଆସି ଅନଲୋଡ ହେଉଥିବା ବେଳେ ଏହାକୁ ଗ୍ରାମବାସୀ ବିରୋଧ କରିବା ସହ ସଂପୃକ୍ତ ଟ୍ରକ ଗୁୁଡିକୁ ଅଟକାଇଥିଲେ। ଏହା ନିର୍ବାଚନ ଆଚରଣ ବିଧି ଉଲଂଘନ କରୁଛି ବୋଲି ଅଂଚଳବାସୀ ଅଭିଯୋଗ ଆଣିଛନ୍ତି।