ମ ରାମପୁର: କଳାହାଣ୍ଡି ଜିଲ୍ଲା ଉତ୍ତର ବନ ଖଣ୍ଡ ଅଧିନସ୍ଥ ମ ରାମପୁର ରେଞ୍ଜରେ ଗତ ୭ ତାରିଖରେ ଏକ ଦନ୍ତା ହାତୀର ମୃତ୍ୟୁ ହୋଇଥିଲା। ତେବେ ଉକ୍ତ ମାମଲାରେ ଜମି ମାଲିକକୁ ବନ ବିଭାଗ ଗିରଫ କରି କୋର୍ଟ ଚାଲାଣ କରିଥିବା ଜଣାପଡିଛି। ସୂଚନା ମତେ ମ ରାମପୁର ରେଞ୍ଜ ଅଧୀନ ଗୌଡ଼ କେଲା ଗ୍ରାମ ନିକଟରେ ଧାନ ବିଲରେ ଦିନ ବେଳା ଏକ ଦନ୍ତା ହାତୀ ମରି ପଡିଥିବାର ଦେଖି ଗାଁ ଲୋକେ ବନ ବିଭାଗକୁ ଖବର ଦେଇଥିଲେ। ମ ରାମପୁର ରେଞ୍ଜ ଅଧିକାରୀ ତଥା ଏସିସିଏଫ୍ ଅସିତ୍ କୁମାର ଦାଶଙ୍କ ନେତୃତ୍ୱରେ ସଦଳ ବଳେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଥିଲେ। ପରେ ଜମି ମାଲିକ କୃଷ୍ଣ ମହାଖୁଡ (୬୨) ଙ୍କୁ କେସ ନମ୍ବର ଓ ଆର୍ ୪୨/୨୦୨୪/୨୫ ୟୁ ଏସ୍ ୯-୩୯ ଏବଂ ୟୁ ଏସ ୫୨( ବନ୍ୟ ପ୍ରାଣୀ ସୁରକ୍ଷା ଆଇନ ୨୯୭୨)ରେ ଗିରଫ କରି କୋର୍ଟ ଚାଲାଣ କରାଯାଇଛି। ହାତୀଟି ଧାନ ଫସଲ୍ ଖାଇବାକୁ ଆସିଥିବା ବେଳେ ଉକ୍ତ ଜମି ମାଲିକଙ୍କ ଧାନ କ୍ଷେତ ବିଦ୍ୟୁତ୍ ସଂଯୋଗରେ ଆସି ମୃତ୍ୟୁ ଘଟିଥିବା ତଦନ୍ତରୁ ଜଣାପଡ଼ିଛି।
Comments are closed.