ଡେସ୍କ: ପଞ୍ଚମ ପର୍ଯ୍ୟାୟ ଲୋକସଭା ନିର୍ବାଚନ ପାଇଁ ବିଭିନ୍ନ ରାଜନୈତିକ ଦଳର ନେତା ଓ ତାରକା ପ୍ରଚାରକମାନେ ଲଗାତାର ରାଲି ଓ ନିର୍ବାଚନ ପ୍ରଚାର କରୁଛନ୍ତି। ଏହି ପର୍ଯ୍ୟାୟ ପାଇଁ ଶନିବାର ପ୍ରଚାର ଶେଷ ହେବ ଏବଂ ଚଳିତ ମାସ ୨୦ ତାରିଖରେ ମତଦାନ ହେବ।
ଉତ୍ତରପ୍ରଦେଶରେ ତାରକା ପ୍ରଚାରକମାନେ ଭୋଟରଙ୍କୁ ଆକୃଷ୍ଟ କରିବା ପାଇଁ ସବୁମତେ ଚେଷ୍ଟା କରୁଥିବା ଦେଖାଯାଉଛି।ପ୍ରଧାନମନ୍ତ୍ରୀ ତଥା ବିଜେପି ନେତା ନରେନ୍ଦ୍ର ମୋଦୀ ଆଜି କହିଛନ୍ତି ଯେ ନାଗରିକତା ସଂଶୋଧନ ଆଇନ ମୋଦି କି ଗ୍ୟାରେଣ୍ଟିର ଏକ ଜ୍ୱଳନ୍ତ ଉଦାହରଣ ଏବଂ ଏହା ସ୍ପଷ୍ଟ ଯେ ବିଜେପି ସରକାର ଯାହା ପ୍ରତିଶ୍ରୁତି ଦିଅନ୍ତି ତାହା ମଧ୍ୟ ପୂରଣ କରନ୍ତି।ଉତ୍ତରପ୍ରଦେଶର ଜୌନପୁର ଜିଲ୍ଲାରେ ଏକ ନିର୍ବାଚନୀ ରାଲିକୁ ସମ୍ବୋଧିତ କରି ସେ ଏହା କହିଛନ୍ତି। ଶ୍ରୀ ମୋଦୀ କହିଛନ୍ତି ଯେ ପୂର୍ବରୁ ବିକାଶ କେବଳ ଦିଲ୍ଲୀ ଏବଂ ବମ୍ବେ ଭଳି ବଡ଼ ସହରରେ ସୀମିତ ଥିଲା କିନ୍ତୁ ବର୍ତ୍ତମାନ ଅଯୋଧ୍ୟା ଏବଂ କାଶୀ ଭଳି ଧାର୍ମିକ ସ୍ଥଳରେ ମଧ୍ୟ ବହୁତ ବିକାଶ ହୋଇଛି।
ଇଡିକୁ ଝଟକା – ସ୍ୱତନ୍ତ୍ର କୋର୍ଟ ହସ୍ତକ୍ଷେପ ପରେ ଅଭିଯୁକ୍ତକୁ ଗିରଫ କରିପାରିବନି ଇଡି
ଏହା ପୂର୍ବରୁ ଆଜମଗଡ଼ ଜିଲ୍ଲାର ଲାଲଗଞ୍ଜ ଅଞ୍ଚଳରେ ଏକ ରାଜନୈତିକ ରାଲିକୁ ସମ୍ବୋଧିତ କରି ପ୍ରଧାନମନ୍ତ୍ରୀ କହିଥିଲେ ଯେ ସମାଜବାଦୀ ପାର୍ଟି ଏବଂ କଂଗ୍ରେସ ଗୋଟିଏ ମୁଦ୍ରାର ଦୁଇଟି ପାର୍ଶ୍ୱ; ସେମାନେ ଦୁହେଁ ମିଛ କହୁଛନ୍ତି ଏବଂ ପରିବାରବାଦ ଏବଂ ଦୁର୍ନୀତିରେ ଲିପ୍ତ ଅଛନ୍ତି।
ଶ୍ରୀ ମୋଦି ଆଜି ଭଦୋହି ଓ ପ୍ରତାପଗଡ଼ରେ ଜନସମାବେଶ କରିଛନ୍ତି। ସେ ଆଜି ରାତିରେ ରାଜ୍ୟପାଳ ଭବନ ଲକ୍ଷ୍ନୌରେ ରହିବେ ଏବଂ ଆସନ୍ତାକାଲି ବାରବାଙ୍କୀ, ଫତେପୁର ଏବଂ ହମିରପୁର ନିର୍ବାଚନ ମଣ୍ଡଳୀରେ ଆଉ ତିନୋଟି ରାଲିକୁ ସମ୍ବୋଧିତ କରିବେ। ପଞ୍ଚମ ଓ ଷଷ୍ଠ ପର୍ଯ୍ୟାୟରେ ମତଦାନ ହେବାକୁ ଥିବା ନିର୍ବାଚନ ମଣ୍ଡଳୀରେ ଏହି ରାଲି କରାଯାଉଛି।
ଅନ୍ୟପକ୍ଷରେ କଂଗ୍ରେସ ସାଧାରଣ ସମ୍ପାଦିକା ପ୍ରିୟଙ୍କା ଗାନ୍ଧି ଭଦ୍ରା ରାୟବରେଲିରେ ବିଜେପିକୁ ଟାର୍ଗେଟ କରି କହିଛନ୍ତି ଯେ ବିଜେପି ଅରାଜକତାକୁ ପ୍ରୋତ୍ସାହନ ଦେଉଛି। ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବ ମଧ୍ୟ ବଣ୍ଡାରେ ବିଜେପିକୁ ଟାର୍ଗେଟ କରି କହିଛନ୍ତି ଯେ ରାଜ୍ୟ ସରକାର ଏବଂ କେନ୍ଦ୍ର ସରକାର ଦୁର୍ନୀତିରେ ଲିପ୍ତ।
Comments are closed.