ଡେସ୍କ: ନିର୍ବାଚନ ସଂସ୍କାରକୁ ବିରୋଧ କରି ବିକ୍ଷୋଭ ଉଗ୍ର ରୂପ ଧାରଣ କରିବା ପରେ ଫ୍ରାନ୍ସ ରେ ନ୍ୟୁ କାଲେଡୋନିଆର ପ୍ରଶାନ୍ତ ମହାସାଗରୀୟ ଦ୍ୱୀପପୁଞ୍ଜରେ ଜରୁରୀକାଳୀନ ପରିସ୍ଥିତି ଘୋଷଣା କରାଯାଇଛି। ନ୍ୟୁ କାଲେଡୋନିଆ ଅଷ୍ଟ୍ରେଲିଆର ପୂର୍ବ ଉପକୂଳଠାରୁ ଶହ ଶହ ମାଇଲ ଦୂରରେ ଅବସ୍ଥିତ ଏକ ଫ୍ରାନ୍ସ ବିଦେଶୀ ଅଞ୍ଚଳ। ଦ୍ୱୀପପୁଞ୍ଜରେ ପ୍ୟାରିସର ଭୂମିକାକୁ ନେଇ ଦୀର୍ଘ ଦିନ ଧରି ଚାଲିଥିବା ଉତ୍ତେଜନା ଯୋଗୁ ହିଂସା ଦେଖାଦେଇଛି।
ସୋମବାର ଫ୍ରାନ୍ସ ସାଂସଦମାନେ ଏହି ଅଞ୍ଚଳରେ ମତଦାନ ଅଧିକାର ସମ୍ପ୍ରସାରଣ ନିଷ୍ପତ୍ତି ଉପରେ ମତଦାନ କରିବାକୁ ପ୍ରସ୍ତୁତ ହେଉଥିବା ବେଳେ ଏହି ଅଶାନ୍ତି ଆରମ୍ଭ ହୋଇଥିଲା। ତେବେ ସମାଲୋଚକମାନେ କହିଛନ୍ତି ଯେ ଏହା ଆଦିବାସୀ କନକ ଜନସଂଖ୍ୟାକୁ ଅବହେଳିତ କରିପାରେ ଏବଂ ଫ୍ରାନ୍ସ ସମର୍ଥକ ରାଜନେତାମାନଙ୍କୁ ଉପକୃତ କରିପାରେ । ଜାତୀୟ ସଭାରେ ରାତାରାତି ସଂଶୋଧନ ଗୃହୀତ ହୋଇଥିଲେ ମଧ୍ୟ ଏହାକୁ ଆଇନରେ ପରିଣତ କରିବାକୁ ହେଲେ ସଂସଦର ଉଭୟ ଗୃହରେ ଚୂଡ଼ାନ୍ତ ମତଦାନ ହେବା ଦରକାର।
ତେବେ ହିଂସାତ୍ମକ ପରିସ୍ଥିତି ସୃଷ୍ଟି ହେବା ପରେ ଅତି କମରେ ୧୩୦ ଜଣଙ୍କୁ ଗିରଫ କରାଯାଇଛି ବୋଲି ଫ୍ରାନ୍ସ କର୍ତ୍ତୃପକ୍ଷ ସୂଚନା ଦେଇଛନ୍ତି। ଅନ୍ୟ ପକ୍ଷରେ ଫ୍ରାନ୍ସ ସରକାର ଅତିରିକ୍ତ ପୋଲିସ ଅଧିକାରୀଙ୍କୁ ଫୋର୍ସ ଭାବେ ମୁତୟନ କରିବାକୁ ଘୋଷଣା କରିଛନ୍ତି। ଏଥିସହ ରାଜଧାନୀ ନୁମିଆରେ ରାତିତମାମ କର୍ଫ୍ୟୁ ଜାରି କରିବା ସହ ସମାବେଶ ଉପରେ କଟକଣା ଜାରି କରାଯାଇଛି।
ଇଡିକୁ ଝଟକା – ସ୍ୱତନ୍ତ୍ର କୋର୍ଟ ହସ୍ତକ୍ଷେପ ପରେ ଅଭିଯୁକ୍ତକୁ ଗିରଫ କରିପାରିବନି ଇଡି
