ସମ୍ବଲପୁର: ସମ୍ବଲପୁରର ଟାଉନ ଥାନା ଅନ୍ତର୍ଗତ ବୋଟିଂ କ୍ଲବ ନିକଟରେ ଏକ କାର ମଧ୍ୟରୁ ଟାଉନ ପୁଲିସ ଅଚାନକ ଚଢ଼ଉ କରି ୯୬୦ ବୋତଲ ବେଆଇନ ନିଶା କଫ ସିରପ ଜବତ କରିଛି। ତେବେ ଜବତ ନିଶା କଫ ସିରପର ଆନୁମାନିକ ମୂଲ୍ୟ ୨ ଲକ୍ଷ ଟଙ୍କା ହେବ ବୋଲି ଏସଡିପିଓ ତୁଫାନ ବାଗ କହିଛନ୍ତି। ଏସଡିପିଓଙ୍କ କାର୍ଯ୍ୟାଳୟରେ ଆୟୋଜିତ ସାମ୍ବାଦିକ ସମ୍ମିଳନୀରେ ଶ୍ରୀ ବାଗ କହିଛନ୍ତି ଯେ, ବିଶ୍ୱସ୍ତସୂତ୍ରରୁ ଖବର ପାଇ ଟାଉନ ପୁଲିସ ଆଜି ଚଢ଼ଉ କରି ଏହି କାର ମଧ୍ୟରୁ ୮ଟି ପେଟିରେ ଥିବା ୯୬୦ ବୋତଲ ନିଶା କଫ ସିରପ, ୨ଟି ମୋବାଇଲ ଫୋନ ଏବଂ ୩୮ ହଜାର ୪ ଶହ ଟଙ୍କା ଜବତ କରାଯାଇଛି। ଏହି ଘଟଣାରେ ଟାଉନ ପୁଲିସ ଏକ ମାମଲା ରୁଜୁ କରି ବାବୁ କୁମାର ମହାତୋ ଓ ନିରଜ ସାହା ନାମକ ୨ ଜଣଙ୍କୁ ଗିରଫ କରାଯାଇ ଅଦାଲତକୁ ଚାଲାଣ କରାଯାଇଛି। ଏହି ନିଶା କଫ ସିରପ କେଉଁ ସ୍ଥାନକୁ ଚୋରାରେ ଚାଲାଣ ହେଉଥିଲା, କାହାରି ସଂପୃକ୍ତି ରହିଛି, କେଉଁ ଠାରୁ ଆସିଥିଲା ଆଦି ବିଭିନ୍ନ ଦିଗରୁ ଅଧିକ ତଦନ୍ତ କରାଯାଉଛି ବୋଲି ଏସଡିପିଓ ଶ୍ରୀ ବାଗ ସୂଚନା ଦେଇଛନ୍ତି। ଏହି ଅବସରରେ ଟାଉନ ଥାନାଧିକାରୀ ବୁଲୁ ସ୍ୱାଇଁ ଓ ଅନ୍ୟ ଅଧିକାରୀ ମାନେ ଉପସ୍ଥିତ ରହିଥିଲେ।
Popular Categories
Previous article
Next article