କୋର୍ଟ ଦ୍ୱାରା ବିଷ୍ଣୁପୁର ସରପଞ୍ଚ ଅଯୋଗ୍ୟ ଘୋଷଣା ମାମଲା, ନାଏବ ସରପଞ୍ଚଙ୍କୁ ଦାୟିତ୍ୱ ହସ୍ତାନ୍ତର କଲେ ବିଡିଓ

ବାଲିଆପାଳ: ବାଲିଆପାଳ ବ୍ଲକ ବିଷ୍ଣୁପୁର ପଂଚାୟତ ସରପଞ୍ଚଙ୍କୁ ନେଇ ଏକ ମାମଲା ବାଲେଶ୍ୱର ସିଭିଲ ଜଜ୍ କୋର୍ଟରେ ବିଚାର ହୋଇ ସରପଞ୍ଚଙ୍କୁ କୋର୍ଟ ୨୦ ତାରିଖରେ ଅଯୋଗ୍ୟ ଘୋଷଣା କରିଥିଲେ। ସେହି ପଞ୍ଚାୟତରେ ସାନି ନିର୍ବାଚନ କରିବା ପାଇଁ ପ୍ରଶାସନକୁ କୋର୍ଟ ନିର୍ଦ୍ଦେଶ ଦେଇଛନ୍ତି। କୋର୍ଟଙ୍କ ଏହି ରାୟ ବିରୋଧରେ ପଞ୍ଚାୟତର ସରପଂଚ ମହେଶ୍ୱର ଜେନା ଉଚ୍ଚ ନ୍ୟାୟଳୟର ସହାୟତା ନେବେ ବୋଲି ସୂଚନା ଦେଇଛନ୍ତି।

ଆଜି ଏକ ନାଟକୀୟ ଘଟଣା କ୍ରମରେ ବାଲିଆପାଳ ବିଡିଓ ବିନୋଦ ଚନ୍ଦ୍ର ପଣ୍ଡା ବିଷ୍ଣୁପୁର ପଂଚାୟତର ନାଏବ ସରପଂଚ ବୃନ୍ଦାବତୀ ଜେନାଙ୍କୁ ସରପଂଚ ଦାୟିତ୍ୱ ହସ୍ତାନ୍ତର କରିଛନ୍ତି ।  ଏ ସଂକ୍ରାନ୍ତରେ ବିଡିଓ ଶ୍ରୀ ପଣ୍ଡାଙ୍କୁୁ ସେ ଜିଲାପାଳଙ୍କ ନିର୍ଦ୍ଦେଶରେ ନାଏବ ସରପଞ୍ଚଙ୍କୁ ଦାୟିତ୍ୱ ହସ୍ତାନ୍ତର କରିଥିବା କଥା କହିଛନ୍ତି।  ବାଲିଆପାଳ ବ୍ଲକର ଡଗରା ,ଦେଭୋଗ ଏବଂ ଜାମକୁଣ୍ଡା ପଂଚାୟତର ସରପଞ୍ଚମାନେ କୋର୍ଟଙ୍କ ଦ୍ୱାରା ଅଯୋଗ୍ୟ ଘୋଷିତ ହୋଇଥିଲେ ମଧ୍ୟ ସେମାନଙ୍କ ପଞ୍ଚାୟତରେ ଦାୟିତ୍ୱ ହସ୍ତାନ୍ତର କ୍ଷେତ୍ରରେ ପ୍ରଶାସନ ସଂପୃକ୍ତ ସରପଞ୍ଚମାନଙ୍କୁ କୋର୍ଟରୁ ରହିତା ଦେଶ ଆଣିବା ପାଇଁ ଯଥେଷ୍ଟ ସମୟ ପ୍ରଦାନ କରି ଟାଳଟୁଳ ନୀତି ଅବଲମ୍ବନ କରୁଥିବା ବିଷ୍ଣପୁରର ଅଯୋଗ୍ୟ ଘୋଷିତ ସରପଂଚ ଅଭିଯୋଗ କରିଛନ୍ତି । ଏହି ଘଟଣା ସମଗ୍ର ବ୍ଲକରେ ଅ।।ଲୋଚନାର ବିଷୟ ପାଲଟିଛି ।