ବାଙ୍କୀ: ଥମୁନି ହାତୀଙ୍କ ଦୌରାତ୍ମ । ହାତୀ ମଣିଷ ଲଢେଇ ମଧ୍ୟରେ କେତେବେଳେ ହାତୀର ଜୀବନ ଯାଉଛି ତ ଆଉ କେତେବେଳେ ମଣିଷ ତାର ଜୀବନ ହରାଉଛି । ଏଭଳି କିଛି ଘଟଣା ଦେଖିବାକୁ ମିଳିଛି କଟକ ଜିଲ୍ଲା ବାଙ୍କୀ ବ୍ଳକ ଗୟଳବାଙ୍କ ଗାଁରେ । ହାତୀ ଆକ୍ରମଣରେ ଜଣେ ଯୁବକଙ୍କ ମୃତ୍ୟୁ ଘଟିଛି । ମୃତ ଯୁବକ ଜଣକ ବାଙ୍କ ମହାନ୍ତି ବୋଲି ଜଣାପଡିଛି । ସୋମବାର ବିଳମ୍ବିତ ରାତି ହାତୀ ପଲ ଫସଲ ଖାଇବାକୁ ଗୟଳବାଙ୍କ ଗାଁରେ ପଶିଥିଲେ । ବାଙ୍କ ହାତୀ ଘଉଡାଇବା ପାଇଁ ବାହାରକୁ ଆସିଥିବାବେଳେ ହାତୀ ଆକ୍ରମଣର ଶିକାର ହୋଇଛନ୍ତି । ସେପଟେ ବାରମ୍ବାର ଏହି ଅଞ୍ଚଳରେ ହାତୀଙ୍କ ଉତ୍ପାତ ଦେଖାଯାଉଥିଲେ ସୁଦ୍ଧା ବନ ବିଭାଗ ଏହାକୁ ରୋକିବାରେ ବିଫଳ ହୋଇଛି । ଘଟଣାକୁ ନେଇ ଗାଁରେ ଉତ୍ତେଜନା ପ୍ରକାଶ ପାଇଛି ।
Popular Categories
Previous article
Next article