ନୂଆଦିଲ୍ଲୀ : ଲୋକମାନଙ୍କ ଦ୍ବାରା ବେଶ୍ ଆଦୃତ ହୋଇପାରିଥିବା ସ୍କୋଡାର ସେଡାନ ସୁପର୍ବ ପୁଣି ଭାରତକୁ ଫେରୁଛି । ଏହାର ଦାମ୍ ୫୪ ଲକ୍ଷ ଟଙ୍କା ରଖାଯାଇଛି । ଏଥିରେ ଏକ ପାଓ୍ବରଟ୍ରେନ୍ ବିକଳ୍ପ ଦିଆଯାଇଛି । ଲୋକେ ଏହାକୁ ଅନଲାଇନ୍ ବା ସ୍କୋଡା ଡିଲରସିପରେ ଏହାକୁ ବୁକ୍ କରିପାରିବେ । ଏହାର ଡେଲିଭରୀ ଆଗାମୀ ମାସରୁ ଆରମ୍ଭ ହେବ ।
ସ୍କୋଡା ସୁପର୍ବରେ ଫକ୍ସଓ୍ବାଗନ ଗ୍ରୁପର ୨.୦ ଲିଟର ୪ ସିଲିଣ୍ଡର ଟିଏସଆଇ ପେଟ୍ରୋଲ ଇଞ୍ଜିନ୍ ମିଳିବ ଯାହା ଅନେକ ଫକ୍ସଓ୍ବାଗନ ଏବଂ ସ୍କୋଡା କାରରେ ବ୍ୟବହାର ହୋଇଥାଏ । ଏହି ଇଞ୍ଜିନ୍ ୧୮୭ ବିଏଚପି ପାଓ୍ବର ଏବଂ ୩୨୦ ଏନଏମ ଟର୍କ ଉତ୍ପନ କରିଥାଏ । ଇଞ୍ଜିନର ପାଓ୍ବରକୁ ୭ ସ୍ପିଡ୍ ଅଟୋମେଟିକ୍ ଗିୟରବକ୍ସ ଜରିଆରେ ଆଗ ଚକାକୁ ପାଓ୍ବର ଦେଇଥାଏ ।
ଭାରତ ପାଇଁ କାର୍ ଉତ୍ପାଦନ କରିବ ଟେସଲା, ବର୍ଷ ଶେଷ ସୁଦ୍ଧା ହେବ ବଜାର ପ୍ରବେଶ
ନୂଆ ସୁପର୍ବ ଦେଖିବାକୁ ବହୁତ ଷ୍ଟାଇଲିସ୍ ଲାଗୁଛି । ଏଥିରେ କ୍ରୋମ୍ ବିଶିଷ୍ଟ ସ୍କୋଡା ରେଡିଏଟର ଗ୍ରିଲ୍ ଏବଂ ଚଉଡା ଏୟାର ଡ୍ୟାମ୍ ବିଶିଷ୍ଟ ଷ୍ଟାଇଲିସ୍ ଆଗ ବମ୍ପର ସାମିଲ । ଏଥିରେ ୧୮ ଇଞ୍ଚର ଡୁଆଲ ଟୋନ୍ ଆଲୟ ହ୍ବିଲ୍ସ ମିଳିବ । ଏଥିରେ ସ୍ମାର୍ଟଫୋନ୍ କନେକ୍ଟିଭିଟି ସହିତ ୯ ଇଞ୍ଚର ଟଚସ୍କ୍ରିନ୍ ଇନଫୋଟେଣ୍ଟମେଣ୍ଟ ସିଷ୍ଟମ ମିଳିବ । ଗାଡିରେ ୧୨ଟି ସ୍ପିକର ମିଳିବ । ଗାଡିରେ ୩୬୦ ଡିଗ୍ରୀ ଦୃଶ୍ୟମାନ କ୍ୟାମେରା ମିଳିବ ।
