ନୂଆଦିଲ୍ଲୀ : ଏଲନ ମସ୍କଙ୍କ ଇଲେକ୍ଟ୍ରିକ୍ ଗାଡି ନିର୍ମାତା କମ୍ପାନୀ ଟେସଲା ଗିଗାଫ୍ୟାକ୍ଟ୍ରି ବର୍ଲିନରେ ଭାରତ ପାଇଁ ରାଇଟ-ହ୍ୟାଣ୍ଡ୍ ଡ୍ରାଇଭ୍ କାରର ପ୍ରଡକ୍ସନ ଆରମ୍ଭ କରିଦେଇଛି । କମ୍ପାନୀ ଚଳିତ ବର୍ଷ ଶେଷ ସୁଦ୍ଧା ଦେଶକୁ କାର୍ ଆଣିପାରେ । ପୂର୍ବରୁ ଖବର ଆସୁଥିଲା କି ଟେସଲା ଏପ୍ରିଲ ମାସରେ ଭାରତକୁ ଏକ ଟିମ୍ ପଠାଇବ ଯାହା ଦେଶରେ ୨-୩ ବିଲିୟନ୍ (୧୬ ହଜାର କୋଟି ଟଙ୍କାରୁ ୨୫ ହଜାର କୋଟି)ର ଇଲେକ୍ଟ୍ରିକ୍ କାର ନିର୍ମାଣ ପ୍ଲାଣ୍ଟ ପାଇଁ ସ୍ଥାନ ସନ୍ଧାନ କରିବ ।
ଇ-କାର୍ ପ୍ଲାଣ୍ଟ ପାଇଁ ଟିମ ମହାରାଷ୍ଟ୍ର, ଗୁଜରାତ ଏବଂ ତାମିଲନାଡୁ ଭଳି ଅଟୋମେଟିଭ୍ ହବ୍ ବିଶିଷ୍ଟ ରାଜ୍ୟ ଉପରେ ଅଧିକ ଗୁରୁତ୍ବ ଦେଉଛି । ତେବେ କିଛି କାରଖାନା ହରିୟାଣାରେ ମଧ୍ୟ ନିର୍ମାଣ ହେବ । ଯେଉଁ ରାଜ୍ୟରେ ବନ୍ଦର ଅଛି ସେହି ସ୍ଥାନରେ ନିର୍ମାଣ କରାଗଲେ କାର ରପ୍ତାନୀ ସହଜ ହେବ ବୋଲି ଟିମ୍ ଯୋଜନା କରିଛି ।
କାର୍ ବିକ୍ରିରେ ତୃତୀୟ ନମ୍ବରରେ ଟାଟା ମୋଟର୍ସ, ବାଜି ମାରିନେଲା ମାରୁତି ସୁଜୁକି
କହିରଖୁଛୁ କେନ୍ଦ୍ର ସରକାର ଇଲେକ୍ଟ୍ରିକ୍ ଗାଡି ନିର୍ମାଣ କରିବା ପାଇଁ ନିଜ ନୂଆ ଇଭି ପଲିସିକୁ ମଞ୍ଜୁରି ଦେଇଦେଇଛନ୍ତି । ନୂଆ ପଲିସିରେ କମ୍ପାନୀମାନଙ୍କୁ ସର୍ବନିମ୍ନ ୪୧୫୦ କୋଟି ନିବେଶ ନିୟମ ରଖାଯାଇଛି ଏବଂ ସର୍ବାଧିକ ନିବେଶର କୌଣସି ସୀମା ନାହିଁ । ବିଦେଶୀ କାର୍ ନିର୍ମାତାଙ୍କୁ ଭାରତରେ ବ୍ୟବସାୟ ଆରମ୍ଭ କରିବାର ୩ ବର୍ଷ ଭିତରେ ଦେଶରେ ନିଜ ଉତ୍ପାଦନ ଆରମ୍ଭ କରିବାକୁ ହେବ ।
