ଡେସ୍କ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବେ ରଦ୍ଦ ହୋଇଥିବା ନିର୍ବାଚନୀ ବଣ୍ଡ ଯୋଜନାକୁ ନେଇ ନିରବତା ଭାଙ୍ଗିବା ପରେ କଂଗ୍ରେସ ମୁଖପାତ୍ର ଜୟରାମ ରମେଶ ସେ ଦେଶ ଆଗରେ ସମ୍ପୂର୍ଣ୍ଣ ମିଛ କହୁଛନ୍ତି ବୋଲି ଅଭିଯୋଗ କରିଛନ୍ତି।
ପ୍ରତିଦିନ ପ୍ରଧାନମନ୍ତ୍ରୀ ମିଛ କହିବାର ନୂଆ ଶିଖର ଛୁଇଁବା ସହ ଅସାଧୁତାର ନୂଆ ଗଭୀରତାକୁ ଉନ୍ମୋଚନ କରୁଛନ୍ତି ବୋଲି ସେ କହୁଛନ୍ତି। ସେ ଦାବି କରିଛନ୍ତି ଯେ ‘ପାଣ୍ଠି କେଉଁଠୁ ଆସିଛି, ତାହା କିପରି ବ୍ୟବହାର କରାଯାଉଛି’ କେବଳ ତାଙ୍କ ଦ୍ୱାରା ଆରମ୍ଭ ହୋଇଥିବା ନିର୍ବାଚନୀ ବଣ୍ଡ ସ୍କିମ୍ କାରଣରୁ ଜଣାପଡ଼ୁଛି ବୋଲି ରମେଶ ଏକ୍ସ (ପୂର୍ବରୁ ଟ୍ୱିଟର)ରେ ଏକ ଲମ୍ବା ପୋଷ୍ଟରେ ଲେଖିଛନ୍ତି।
ନୂଆ ଟିକସ ବ୍ୟବସ୍ଥା ସମ୍ପର୍କରେ ସାମାଜିକ ଗଣମାଧ୍ୟମରେ ବିଭ୍ରାନ୍ତିକର ତଥ୍ୟ
ଏହାପରେ ଯୋଗାଯୋଗ ଦାୟିତ୍ୱରେ ଥିବା କଂଗ୍ରେସର ସାଧାରଣ ସମ୍ପାଦକ ରମେଶ କିଛି ପ୍ରାସଙ୍ଗିକ ତଥ୍ୟ ଉପସ୍ଥାପନ କରିଥିଲେ। ମୋଦି ଜନସାଧାରଣଙ୍କ ଠାରୁ ପାଣ୍ଠି କେଉଁଠୁ ଆସିଛି ତାହାର ବିବରଣୀ ଲୁଚାଇବାକୁ ଚାହୁଁଥିଲେ ବୋଲି ରାଜ୍ୟସଭା ସାଂସଦ ଲେଖିଛନ୍ତି। ସେ କହିଛନ୍ତି, ୨୦୧୮ରୁ ୨୦୨୪ ପର୍ଯ୍ୟନ୍ତ ୬ ବର୍ଷ ଧରି କେଉଁ ଦଳକୁ କାହାଠାରୁ କେତେ ପାଣ୍ଠି ମିଳିଛି ତାହାର କୌଣସି ବିବରଣୀ ଜନସାଧାରଣଙ୍କ ନିକଟରେ ପ୍ରକାଶ ପାଇ ନ ଥିଲା।
କଂଗ୍ରେସ ଠାରୁ ୩୫୦୦ କୋଟି ଟଙ୍କା ଆଦାୟ ପାଇଁ ଦୃଢ଼ ପଦକ୍ଷେପ ନେବ ନାହିଁ ଆୟକର ବିଭାଗ
୨୦୧୮ ଜାନୁଆରୀରେ ମୋଦି ସରକାର ଇଲେକ୍ଟୋରାଲ ବଣ୍ଡ ପ୍ରଚଳନ କରିଥିଲେ। ଫେବୃଆରୀ ୨୦୨୪ରେ ସୁପ୍ରିମକୋର୍ଟ ଏହି ଯୋଜନାକୁ ‘ଅସାମ୍ବିଧାନିକ’ ଘୋଷଣା କରି ଏହାକୁ ରଦ୍ଦ କରିଥିଲେ। ଦାତାମାନଙ୍କୁ ଇଲେକ୍ଟୋରାଲ ବଣ୍ଡ ବିକ୍ରି କରୁଥିବା ଭାରତୀୟ ଷ୍ଟେଟ୍ ବ୍ୟାଙ୍କକୁ ସମସ୍ତ ତଥ୍ୟ ଭାରତୀୟ ନିର୍ବାଚନ କମିଶନଙ୍କୁ ଜଣାଇବାକୁ ସୁପ୍ରିମକୋର୍ଟ ନିର୍ଦ୍ଦେଶ ଦେଇଥିଲେ। ସୁପ୍ରିମକୋର୍ଟଙ୍କ ନିର୍ଦ୍ଦେଶ କ୍ରମେ ନିର୍ବାଚନ କମିଶନ ନିର୍ବାଚନ କମିଶନଙ୍କ ୱେବସାଇଟରେ ତଥ୍ୟ ଅପଲୋଡ କରିଛନ୍ତି।
ନିର୍ବାଚନୀ ବଣ୍ଡ କାରଣରୁ ଶାସକ ବିଜେପିକୁ ଝଟକା ଲାଗିବ ବୋଲି ପ୍ରଧାନମନ୍ତ୍ରୀ ଅସ୍ୱୀକାର କରିବା ପରେ କଂଗ୍ରେସ ନେତା ପ୍ରତିକ୍ରିୟା ପ୍ରକାଶ କରିବା ସହ ୮ହଜାର କୋଟିରୁ ଅଧିକ ଟଙ୍କାର ଚାନ୍ଦା ନେଇ ବିଜେପି ସବୁଠାରୁ ଅଧିକ ଲାଭବାନ ହୋଇଛି ବୋଲି କହିଛନ୍ତି।
