କେନ୍ଦୁଝରଗଡ଼: କେନ୍ଦୁଝର ଟାଉନ ଥାନା ଅଞ୍ଚଳରେ ଦିନକୁ ଦିନ ବାଇକ୍ ଚୋରି ପୁଲିସ ପ୍ରଶାସନର ନିଦ ହଜାଇ ଦେଇଥିବାବେଳେ ଶେଷରେ ପୁଲିସକୁ ସଫଳତା ମିଳିଛି। ଚୋରି ବାଇକ୍ ମଧ୍ୟରୁ ସୋମବାର ସୁଦ୍ଧା ୫ଟି ବାଇକ୍ ବିଭିନ୍ନ ଅଞ୍ଚଳରୁ ଉଦ୍ଧାର କରିବାକୁ ପୁଲିସ ସକ୍ଷମ ହୋଇଥିବାବେଳେ ଏହି ମାମଲାରେ ୪ଜଣଙ୍କୁ ରବିବାର ରାତି ଅଟକ ରଖି ପଚରାଉଚୁରା ଜାରି ରଖିଛି। ତେବେ ଅଟକ ୪ଜଣଙ୍କ ମଧ୍ୟରୁ ୨ଜଣଙ୍କ ଚୋରୀ ସହ ସମ୍ପୃକ୍ତି ନଥିବା ବେଳେ ଚୋରି ସହ ସମ୍ପକ୍ତ ଥିବା ଦୀପଙ୍କର ଗୋଛାୟତ (୧୯) ଓ ରାଜୀବ ଗୋପ (୨୧)କୁ ପୁଲିସ ସୋମବାର ଗିରଫ ଦର୍ଶାଇ କୋର୍ଟ ଚାଲାଣ କରିଥିବା ଟାଉନ ଥାନା ଅଧିକାରୀ ରମାକାନ୍ତ ସାଏ କହିଛନ୍ତି। ଗିରଫ ଦୁଇ ଅଭିଯୁକ୍ତଙ୍କ ମଧ୍ୟରୁ ଦୀପଙ୍କର ଡିମ୍ବୋସ୍ଥିତ କେନ୍ଦୁଝର ଯାନ୍ତ୍ରିକ ବିଦ୍ୟାଳୟର ଦ୍ୱିତୀୟବର୍ଷ ଛାତ୍ର ଥିବା ବେଳେ ରାଜୀବ ବଡବିଲ ମହାବିଦ୍ୟାଳୟର ସ୍ନାତକ ଛାତ୍ର ବୋଲି ପୁଲିସ ସୂତ୍ରରୁ ପ୍ରକାଶ। ତେବେ ଏହି ବାଇକ୍ ଚୋରି ମାମଲାର ମାଷ୍ଟର ମାଇଣ୍ଡ କୁହାଯାଉଥିବା ଅନ୍ୟତମ ମୁଖ୍ୟ ଅଭିଯୁକ୍ତ ମଧ୍ୟ କେନ୍ଦୁଝର ଯାନ୍ତ୍ରୀକ ବିଦ୍ୟାଳୟର ଛାତ୍ର ହୋଇଥିବା ବେଳେ ସେ ଫେରାର ଥିବାରୁ ତାକୁ ଗିରଫ କରିବା ପାଇଁ ଟାଉନ ଥାନା ପୁଲିସର ଅଧିକାରୀ ବିଭିନ୍ନ ସ୍ଥାନରେ ଚଢ଼ଉ ଜାରି ରଖିଥିବା ଥାନା ଅଧିକାରୀ ଶ୍ରୀ ସାଏ କହିଛନ୍ତି।
Comments are closed.