ନୂଆଦିଲ୍ଲୀ : ଅନେକ ସମୟରେ ସଡକ ଦୁର୍ଘଟଣାର ଭିଡିଓ ସାମ୍ନାକୁ ଆସିଥାଏ । କିଛି ଭିଡିଓ ହୃଦୟକୁ ଆନ୍ଦୋଳିତ କରିଥାଏ । ଏଭଳି ଭିଡିଓ ଲଗାତର ସାମାଜିକ ଗଣମାଧ୍ୟମରେ ଦେଖିବାକୁ ମିଳୁଛି । ଏହାକୁ ରୋକିବାକୁ ସବୁ ଦିଗରୁ ଚେଷ୍ଟା କରାଯାଉଛି । ଦୁଇଚକିଆ ଯାନ ଦୁର୍ଘଟଣାରେ ପ୍ରାଣ ହରାଉଥିବା ଚାଳକଙ୍କୁ ସୁରକ୍ଷିତ ରଖିବା ପାଇଁ ହେଲମେଟ୍ ପିନ୍ଧିବା ଉପରେ ଅଧିକ ଗୁରୁତ୍ବ ଦିଆଯାଏ । ତେବେ ଆପଣ ଜାଣିଛନ୍ତି କି ହେଲମେଟ୍ କିଭଳି ପ୍ରସ୍ତୁତ କରାଯାଏ । ଏହା ପଛରେ ଅନେକ ପରିଶ୍ରମ ରହିଥାଏ । ଚାଲନ୍ତୁ ଦେଖିବା ଏହାର ପ୍ରସ୍ତୁତିର ଭିଡିଓ…
View this post on Instagram
ନ୍ୟାସନାଲ୍ ଡ୍ରାଇଭ୍ ନାମକ ଏକ ଇନଷ୍ଟାଗ୍ରାମ ଆକାଉଣ୍ଟରୁ ସେୟାର ହୋଇଥିବା ଭିଡିଓରେ କାରଖାନାରେ ଜଣେ ଶ୍ରମିକ ହେଲମେଟ୍ ପ୍ରସ୍ତୁତ କରୁଥିବା ଦେଖିବାକୁ ମିଳୁଛି । ସର୍ବପ୍ରଥମେ ସେ ଏକ ଛାଞ୍ଚରେ କଳା ରଙ୍ଗର ଏକ ପ୍ରକାର ତରଳ ପଦାର୍ଥ ପକାଉଛନ୍ତି ଏବଂ ତାକୁ ରଙ୍ଗ କରୁଛନ୍ତି । ଏହା ପରେ ସେ ଧଳା କାଗଜ ତା ଉପରେ ଲଗାଉଛନ୍ତି ଏବଂ ତାକୁ ଶୁଖିବା ପାଇଁ ଛାଡୁଛନ୍ତି । ଏହା ପରେ ସେ ଏଥିରେ ଆଉ ଏକ ତରଳ ପଦାର୍ଶ ପକାଇ ଛାଡିଦେଉଛନ୍ତି । ଶେଷରେ ସେ ଏହି ଛାଞ୍ଚ ଭିତରୁ ହେଲମେଟକୁ ଖୋଲି ବାହାର କରୁଛନ୍ତି ଏବଂ ଏହାକୁ ସଫା କରୁଛନ୍ତି । ଭିଡିଓକୁ ୬୦ ହଜାରରୁ ଅଧିକ ଲୋକ ଦେଖିସାରିଲେଣି । ଅନେକ ଲୋକ ଏଥିରେ ପ୍ରତିକ୍ରିୟା ମଧ୍ୟ ରଖିଛନ୍ତି । କିଛି ଲୋକ ଏହା ମଜଭୁତ ନୁହେଁ ବୋଲି କହିବା ସହ ଆଉ କିଛି ଲୋକ ସେ ଶ୍ରମିକଙ୍କ ପରିଶ୍ରମକୁ ପ୍ରଶଂସା କରୁଛନ୍ତି ।
