ମୁମ୍ବଇ: ମୁମ୍ବଇର ଫୋର୍ଟ ଅଞ୍ଚଳରେ ଏକ ହୁକ୍କା ବାର୍ରେ ଚଢାଉ କରି ପୁଲିସ ବିଗ୍ବସ୍-୧୭ ବିଜେତା ମୁନୱର ଫାରୁକୀଙ୍କ ସମେତ ଅନ୍ୟ ୧୩ ଜଣଙ୍କୁ ଅଟକ ରଖିଥିବା ଜଣାପଡ଼ିଛି। ତାଙ୍କ ବିରୋଧରେ ମାମଲା ରୁଜୁ ହୋଇଛି। ତେବେ ପଚରାଉଚରା ପରେ ସମସ୍ତ ଅଭିଯୁକ୍ତଙ୍କୁ ଛାଡ଼ିଦିଆଯାଇଥିବା ସୂଚନା ମିଳିଛି।
ମୁନୱର ଫାରୁକୀ ଜଣେ ବିଶିଷ୍ଟ ଭାରତୀୟ ଷ୍ଟାଣ୍ଡ ଅପ୍ କମେଡିଆନ୍ ଓ ରାପର ମଧ୍ୟ ଅଟନ୍ତି। ମଙ୍ଗଳବାର ରାତିରେ ଦକ୍ଷିଣ ମୁମ୍ବଇ ଫୋର୍ଟ ଅଞ୍ଚଳରେ ଏକ ହୁକ୍କା ପାର୍ଲରରେ ପୁଲିସ ଚଢାଉ କରିବାବେଳେ ଅଟକ ରଖାଯାଇଥିବା ବ୍ୟକ୍ତିମାନଙ୍କ ମଧ୍ୟରେ ସେ ମଧ୍ୟ ସାମିଲ ଥିଲେ। ପୁଲିସ ଗୁପ୍ତ ସୂଚନା ଆଧାରରେ ଏହି ଚଢାଉ କରିଥିଲା। ହର୍ବାଲ ନାଁରେ ହୁକ୍କା ବ୍ୟବହାର ଅଭିଯୋଗରେ ଅଧିକାରୀମାନେ ମୁନୱର ଫାରୁକୀଙ୍କ ସମେତ ୧୩ ଜଣଙ୍କୁ ଅଟକ ରଖିଥିଲେ। ପରବର୍ତ୍ତୀ ସମୟରେ ପଚରାଉଚରା ପରେ ସେମାନଙ୍କୁ ଛାଡ଼ିଦିଆ ଯାଇଛି।
- Advertisement -
