ମୁମ୍ବାଇ : ଅକ୍ଷୟ କୁମାର ଏବଂ ଟାଇଗର ଶ୍ରଫଙ୍କ ବହୁ ପ୍ରତିକ୍ଷୀତ ଫିଲ୍ମ ‘ବଡେ ମିଆଁ ଛୋଟେ ମିଆଁ’ର ଟ୍ରେଲର ମୁକ୍ତିଲାଭ କରିଛି । ଉଭୟ ଅଭିନେତା ପ୍ରଥମ ଥର ଏକାଠି ବଡ ପରଦାରେ ନଜର ଆସିବେ । ପୂର୍ବରୁ ଫିଲ୍ମର ପୋଷ୍ଟର ଏବଂ ଟିଜର ସାମ୍ନାକୁ ଆସିଥିଲା । ଏବେ ହୋଲି ଅବସରରେ ଫିଲ୍ମର ଟ୍ରେଲର ରିଲିଜ କରାଯାଇଛି । ଫିଲ୍ମରେ ଅକ୍ଷୟ କୁମାର ଏବଂ ଟାଇଗର ଶ୍ରଫଙ୍କ ସହିତ ପୃଥ୍ବୀରାଜ ସୁକୁମାରନ ମଧ୍ୟ ଅଛନ୍ତି ।
ଫିଲ୍ମରେ ସେ ଖଳନାୟକ ରୂପେ ନଜର ଆସିବେ । ଫିଲ୍ମରେ ମାନୁଷି ଛିଲ୍ଲର ମଧ୍ୟ ନଜର ଆସିବେ । ଟ୍ରେଲରଟି ରିଲିଜ୍ ହେବା ପରେ ସାମାଜିକ ଗଣମାଧ୍ୟମରେ ଭାଇରାଲ ହେଉଛି । ଟ୍ରେଲର ଦେଖିବା ପରେ ସମସ୍ତେ ଫିଲ୍ମକୁ ଅପେକ୍ଷା କରିବାରେ ଲାଗିପଡିଛନ୍ତି ।
‘ବଡେ ମିଆଁ ଛୋଟେ ମିଆଁ’ରେ ଅକ୍ଷୟ କୁମାର, ଟାଇଗର ଶ୍ରଫ୍, ପୃଥ୍ବୀରାଜ ସୁକୁମାରନ, ମାନୁଷି ଛିଲ୍ଲରଙ୍କ ବ୍ୟତୀତ ସୋନାକ୍ଷୀ ସିହ୍ନା ଏବଂ ଅଲାୟା ଏଫ୍ ମଧ୍ୟ ମୁଖ୍ୟ ଭୂମିକାରେ ନଜର ଆସିବେ । ଫିଲ୍ମର ନିର୍ଦ୍ଦେଶନା ଦେଇଛନ୍ତି ଅବ୍ବାସ ଜଫର । ଫିଲ୍ମର ପ୍ରଯୋଜକ ହେଉଛନ୍ତି ଜ୍ୟାକି ଭଗନାନୀ । ଫିଲ୍ମଟି ଚଳିତ ବର୍ଷ ଇଦରେ ମୁକ୍ତିଲାଭ କରିବ ।
