ନୂଆଦିଲ୍ଲୀ : ଥମସନ୍ ଭାରତରେ ନିଜ ନୂଆ ଏୟାର କୁଲରର ବଜାର ପ୍ରବେଶ କରାଇଛି । ଏହି କୁଲର ୨୮ରୁ ୧୫୦ ଲିଟର କ୍ଷମତା ବିଶିଷ୍ଟ ଏବଂ ଏଗୁଡିକ ୯୦ ଫୁଟ ଦୂର ପର୍ଯ୍ୟନ୍ତ ଥଣ୍ଡା ପବନ ପ୍ରଦାନ କରିପାରିବ । ବିଜୁଳି ସଞ୍ଚୟ ସହ ଅଧିକ ଥଣ୍ଡା ପବନ ପ୍ରଦାନ କରିବା ପାଇଁ ଏଥିରେ ବିଏଲଡିସି(ବ୍ରସଲେସ୍ ଡାଇରେକ୍ଟ କରେଣ୍ଟ) ମୋଟର ମଧ୍ୟ ଲାଗିଛି । ଆଗକୁ ଖରାଦିନ ଆସୁଥିବାରୁ କମ୍ପାନୀ ଗ୍ରାହକଙ୍କ ପାଇଁ ଦାମ୍ ମାତ୍ର ୪ ହଜାର ଟଙ୍କାରୁ ଆରମ୍ଭ କରିଛି ।
ଥମସନର ନୂଆ ଏୟାର କୁଲର ୨୩ ମାର୍ଚ୍ଚରୁ ଇ-କମର୍ସ ପ୍ଲାଟଫର୍ମ ଫ୍ଲିପକାର୍ଟରେ ବିକ୍ରି ପାଇଁ ଉପଲବ୍ଧ ହୋଇଯାଇଛି । ବିଭିନ୍ନ ମଡେଲ ପାଇଁ ଦାମ୍ ଭିନ୍ନ ରହିଛି । ସର୍ବନିମ୍ନ ୪ ହଜାର ଟଙ୍କାରୁ ଆରମ୍ଭ ହୋଇ ୧୫ ହଜାର ଟଙ୍କା ପର୍ଯ୍ୟନ୍ତ ଏହାର ଦାମ୍ ରହିଛି । ଉପଭୋକ୍ତା ନିଜ ଆବଶ୍ୟକ ଅନୁଯାୟୀ ବା ନିଜ କୋଠରୀ ଅନୁସାରେ ଛୋଟ ବା ବଡ କୁଲର ନେଇପାରିବେ । ଏହା କମ୍ ଶବ୍ଦ କରିବା ସହିତ ବହୁତ ଦୂର ପର୍ଯ୍ୟନ୍ତ ଥଣ୍ଡା ପବନ ଦେଇପାରିବ ।
