ଗୋପାଳପୁର : ଗୋଳନ୍ଥରା ଥାନା ଅଞ୍ଚଳରେ ଜଣେ ମହିଳାଙ୍କୁ ଗାଳି ଗୁଲଜ ସହ ଅସଦାଚରଣ ଘଟଣାରେ ସ୍ଥାନୀୟ ପୁଲିସ ଆଜି ସମ୍ପୃକ୍ତ ଯୁବକଙ୍କୁ ଗିରଫ କରି କୋର୍ଟ ଚାଲାଣ କରିଛି । ଗିରଫ ଅଭିଯୁକ୍ତ ଜଣକ ଦୁମିଦୁମୀ ଗ୍ରାମର ଓଡିଆରପି କଲୋନୀର ଲଣ୍ଡା ବେହେରା ବୋଲି ପୁଲିସ ସୂଚନା ଦେଇଛି । ସୂଚନା ଅନୁସାରେ ଗତ ଶନିବାର ଏହି ଥାନା ଅଧିନସ୍ଥ ଦୁମିଦୁମୀ ଗ୍ରାମ ଓଡିଆରପି କଲୋନୀ ଯମୁନା ସାହୁ ଘରେ ଥିବା ବେଳେ କେହି ନଥିବାର ସୁଯୋଗ ନେଇ ଉକ୍ତ ଗ୍ରାମର ଲଣ୍ଡା ମହିଳାଙ୍କ ଘରକୁ ଯାଇ କବାଟ ବାଡେଇ ଅସଭ୍ୟ ଭାଷାରେ ଗାଳି ଗୁଲଜ କରିଥିଲେ ।
ପରେ ଯମୁନା କବାଟ ଖୋଲିବ ପରେ ଲଣ୍ଡା ଯମୁନାଙ୍କୁ ଟଣା ଓଟରା କରି ଅସଦାଚରଣ କରିଥିଲେ । କୌଶଳ କ୍ରମେ ଯମୁନା ସେଠାରୁ ଦୌଡ଼ି ଯାଇ ଗ୍ରାମର ରାଜେନ୍ଦ୍ର ବେହେରା ଘରକୁ ଚାଲିଯାଇଥିଲେ । ଲଣ୍ଡା ରାଜେନ୍ଦ୍ରଙ୍କ ଘରକୁ ଆସି ତାଙ୍କୁ ଗାଳି ଗୁଲଜ କରି ମରଣାନ୍ତକ ଆକ୍ରମଣ କରିଥିଲେ । ଘଟଣାସ୍ଥଳରେ କିଛି ଲୋକ ପହଞ୍ଚି ତାଙ୍କୁ ଉଦ୍ଧାର କରି ସ୍ଥାନୀୟ ମେଡିକାଲରେ ଭର୍ତ୍ତି କରିଥିଲେ । ଏ ନେଇ ଯମୁନା ଗୋଳନ୍ଥରା ଥାନାରେ ଲିଖିତ ଅଭିଯୋଗ କରିଥିଲେ । ଲଣ୍ଡା ଗାଁରେ ଥିବା ଖବର ପାଇ ବୁଧବାର ଗୋଳନ୍ଥରା ଥାନା ପୁଲିସ ଚଢାଉ କରି ଲଣ୍ଡାକୁ ଗିରଫ କରି ଅପରାହ୍ନରେ କୋର୍ଟ ଚାଲାଣ କରିଥିବା ନେଇ ସୂଚନା ମିଳିଛି ।
