ଅସୁସ୍ଥ ମାଲିକକୁ ଭେଟିବା ପାଇଁ ଡାକ୍ତରଖାନାରେ ପହଞ୍ଚିଲା ହାତୀ, ଭାବୁକ କରିଦେବ ଏହି ଭିଡିଓ

ନୂଆଦିଲ୍ଲୀ : ସାମାଜିକ ଗଣମାଧ୍ୟମରେ ଅନେକ ସମୟରେ କିଛି ନା କିଛି ଭିଡିଓ ଭାଇରାଲ ହୋଇଥାଏ । କିଛି ଭିଡିଓ ହସର ଖୋରାକ ଯୋଗାଇଥାଏ ତ ଆଉ କିଛି ଭିଡିଓ ଭାବୁକ କରିଥାଏ । ନିକଟରେ ଏକ ଭିଡିଓ ଭାଇରାଲ ହେଉଛି ଯାହା ସମସ୍ତଙ୍କ ହୃଦୟକୁ ଛୁଇଁଯାଉଛି । ଭିଡିଓରେ ଏକ ହାତୀ ନିଜ ଅସୁସ୍ଥ ମାଲିକକୁ ଦେଖା କରିବା ପାଇଁ ଡାକ୍ତରଖାନାରେ ପହଞ୍ଚିଥିବା ଦେଖିବାକୁ ମିଳୁଛି ।

An elephant comes to visit it’s elderly human companion in village hospital … 💕pic.twitter.com/QMx14Jlx0c

— Figen (@TheFigen_) March 13, 2024

ସାମାଜିକ ଗଣମାଧ୍ୟମରେ ଭାଇରାଲ ହେଉଥିବା ଭିଡିଓରେ ନଜର ଆସୁଛି କି ନିଜ ମାଲିକକୁ ଦେଖିବା ପାଇଁ ଏକ ହାତୀ ଆସିଛି । ସେ ମାଲିକକୁ ଶୁଣ୍ଢରେ ସ୍ପର୍ଶ କରୁଛି । ସତେ ଯେମିତି ସେ ନିଜ ମାଲିକକୁ କହୁଛି କି ସେ ଖୁବ୍ ଶୀଘ୍ର ଭଲ ହୋଇଯିବ । ହାତୀର ନିଜ ମାଲିକ ପ୍ରତି ଏମିତି ଭଲପାଇବା ଦେଖି ସମସ୍ତଙ୍କ ଆଖିରେ ଲୁହ ଭରିଯାଉଛି ।