ନବରଙ୍ଗପୁର : ନବରଙ୍ଗପୁର ସାଂସଦ ରମେଶ ଚନ୍ଦ୍ର ମାଝୀଙ୍କ ଗାଡି ଦୁର୍ଘଟଣାଗ୍ରସ୍ତ ହୋଇଛି। ଉମରକୋଟ ଥାନା ଚିକଲପଦର ନିକଟରେ ଗାଡିଟି ବିଲକୁ ଖସିପଡିଛି। ଦୁର୍ଘଟଣାରେ ସାଂସଦ ଓ ଡ୍ରାଇଭରଙ୍କ ସମେତ ୩ଜଣ ସାମାନ୍ୟ ଆହତ ହୋଇଛନ୍ତି। ଉମରକୋଟ ଡାକ୍ତରଖାନାରେ ଚିକିତ୍ସା ପରେ ସମସ୍ତେ ଘରକୁ ଫେରି ଯାଇଛନ୍ତି। ସୂଚନା ଅନୁସାରେ ସାଂସଦ ଶ୍ରୀ ମାଝୀ ଶନିବାର ବିମାନରେ ଦିଲ୍ଲୀରୁ ଛତିଶଗଡ଼ର ରାୟପୁର ଫେରିଥିଲେ। ସେଠାରୁ ବିଳମ୍ବିତ ରାତିରେ ନିଜ କାର ଯୋଗେ ଉମରକୋଟ ସ୍ଥିତ ନିଜ ବାସଭବନକୁ ଫେରୁଥିବା ବେଳେ ଏହି ଦୁର୍ଘଟଣା ଘଟିଥିଲା। ପରେ ଘଟଣା ସଂପର୍କରେ ଖବର ପାଇ ଉମରକୋଟ ପୁଲିସ୍ ଓ ସ୍ଥାନୀୟ କିଛି ଲୋକ ପହଞ୍ଚି ସାଂସଦ ଓ ଅନ୍ୟ ଦୁଇ ଜଣଙ୍କୁ ଉଦ୍ଧାର କରି ଡାକ୍ତରଖାନାକୁ ନେଇଥିଲେ। ଉମରକୋଟ ଡାକ୍ତରଖାନାରେ ଚିକିତ୍ସା ପରେ ସମସ୍ତେ ଘରକୁ ଫେରି ଯାଇଛନ୍ତି। ତେବେ କେଉଁ ପରିସ୍ଥିତିରେ ଏହି ଦୁର୍ଘଟଣା ଘଟିଲା , ତାହା ବର୍ତ୍ତମାନ ପର୍ଯ୍ୟନ୍ତ ଜଣାପଡିନଥିବାବେଳେ ପୁଲିସ ଅଧିକ ଛାନଭିନ୍ ଜାରି ରଖିଛି।
Comments are closed.